BAUCAU (DiliPost.com)-Antoneto Sarmento hetan tiru husi Pesoal intelijensia ho Armas Estadu nian iha suku gariwai Postu Administrativu Baukau Villa Minisipiu Baucau, iha Loron 13 Fulan Novembru ne’e.
Tuir Sasin Rui Freitas Belo ,Haktuir Antes ne’e Iha Loron Eleisaun Lideransa Lokal ka Eleisaun Suku ba Segundu Volta ,La akontese Problema Ruma iha Suku Ne’e, Maibe Iha Parte Lorokaraik Derepente deit ,Pesoal Intelijensia ida Lori fali Armada ka Pistola Estadu hodi Tiru fali joven sira iha Fatin ne’e.
Rui Konta tuir Iha tuku ha’at lorokraik Intelijensia ne’e ho motor husi diresaun Baucau Villa atu ba gariwai Tuir Dalan hetan Joven sira tur hamutuk hela iha uma oim, Nune’e Intelijensia ne’e Para Motor no hasai Pistola tiru kedas sira sem razaun ruma.
“Durante loron Ida ne’e, iha suku gariwai situasaun Lao normal, iha eleisaun ba sefe suku Segunda Volta halo kontajem hotu ona no Lao ho diak laiha konflitu ruma no Ami tur deit iha uma oin lahalo problema no konflitu ruma, Maibe derepente deit intelijen nee Liu mai karega pistola hodi tiru ami.”Sasin Rui Freitas Belo Imforma ida ne’e ba Dilipost.com Bainhira akompanha vitíma hala’o Tratamentu iha HNGV Díli Segunda ne’e (14/11)
Rui Konta Inteljensia ne’e Ho Motorizada halai Liu Tia Joven sira ne’ebé Tur hela Mak karega pistola husi Dok mak hodi tiru Dala Ida ba sira, hodi Rejulta Vitíma Antoneto Sofre iha Nia kelen,
Iha Parte Seluk Efren Sarmento aman husi vitima Antoneto Sarmento lamenta tebes ba aktu intelijen nian ne’ebe Kontinua Lori Armas ka pistola estadu nian hodi Tiru Joven sira la ho razaun ruma.
“Hau la satisfas ba intelijen ne’e, ho hahalok a’at hodi uza Armas estadu tiru Ema arbiru, hahalok ne’e Ami sente tiru Ilegal laiha konsiderasaun ba povu Kiik, maibe halo tuir sira Nia hakarak Armas ne’e Nasaun nia.”Lamenta Vitíma Nia Aman.
Tan ne’e Aman husi Vitima Antoneto husu ba estadu liu-liu ba parte komando seguransa nian, tenke tau atensaun ba membru seguransa ka intelijensia hotu iha Nasaun Ida nee nian, atu labele fo autorizasaun hodi tiru Foinsae sira ho ilegal hanesan balada fuik.
Enkuantu to’o Notisia ne’e Publika Dilipost.com seidauk Hetan Komfirmasaun Husi Parte Polisia Nasional Timor Leste Munisípiu Baukau ,kona ba Akontesemento ne’e.(JD)
