BAUCAU (DiliPost.Com)-Akontesimentu Tiru Joven ida ho Naran insiál AS iha suku Gariuai postu administrativu baucau villa iha loron 13 fulan novembru foin lalais ne’e,prosesu identifikasaun kona-ba “se mak tiru” dadaun ne’e prosesu sei La’o hela.
Komandante Polisia Nasional Timor-Leste Munisipiu Baucau Supreendente Antoninho Mauluta Komfirma akontese duni tiru joven ida iha suku Gariuai maibé parte komandu PNTL baucau seidauk bele fó sai se mak tiru joven ne’e,tanba atu hatene pessoal ida ne’ebé mak tiru,preisza liu husi dalan prosesu.
Antoninho Mauluta afirma,relasiona akontesementu ne’e,komandu Polisia Nasionál Timor-Leste Baucau orienta kedas parte ekipa investigasaun hodi tun direita ba fatin lokál krime hodi rekoilla evidensia.
“Hau hanoin informasaun kona ba tiru dalaruma los,mais oras ne’e dadauk atu hatudu lolos membru polisia ka sese mak tiru oras ne’e dadaun prosesu la’o hela agora ita hein prosesu tanba ita labele hatudu buat ida ke la liu husi prosesu,ita hatudu deit maibé ita hakarak liu husi prosesu mak bele hatudu,ne’ebé agora dadauk prosesu la’o hela ita nia investigassun mos rekoilla hela evidesnsia no buka hela sasin” Dehan Komandante PNTL Munisípiu Baucau Antoninho Mauluta Segunda ne’e (14/11).
Nia hateten,hafoin akontese vítima lori kedas mai Hospitál Rejionál Eduardo Ximenes Baucau hodi hetan kuidadu intensivu maibé lou minutu balun transprta kedas vitima ba Hospitál Nasionál Guido Valadares Dili (HNGV).
“vítima oras ne’e dadauk halo hela tratamentu iha Dili,tanba horseik ba iha hospitál Rejionál Eduardo Ximenes Baucau nian sira transfere kedas ba Dili ida ne’e mak ita hein depois nia kondisaun rekopera prosesu tenke ser la’o depois mak ita hare’e took agora se mak tiru husi parte ne’ebé depois ita hein deit deklarasaun mai husi ita nia vítima ida ne’e mak ita hein prosesu la’o tiha mak ita foin bele hatete ida ne’ebé mak tiru” Haktuir Komandante.
Komandante PNTL Baucau ne’e eskaresa atu hatene informasaun detallu kona ba kazu tiru joven ne’e presiza hein kondisaun vítima rekopera hafoin hein deklarasaun husi vítima kona ba kazu ne’e (cl).
