DILI Post.com-Deskonfia Traballador Austrália ida fila mai Timor lori naran Sekretariu Estadu Formasaun Profissional no Empresu (SEFOPE) ho kompaña Austrália halo kombransa ilegal ba joven nain 16 hodi hatama osan $ 600 ba servisu iha estranjeiru.
Tuir informasaun husi vitima ba kobransa ilegal sira katak sidadaun timor oan ne’e sai ona traballador iha Austrália Wainhria nia fila mai Timor lori SEFOPE ho kompaña nia naran hodi habosok Timor oan nain 16 hodi hatama osan nune’e bele ba servisuiha Austrália.
Aktus hirak ne’e akontese iha fulan fevereiru nia laran no nia promete katak iha loron 29 tuir teste mediku hodi Ba servisu iha Austrália .
Maske nune’e promesa nee la saí realidade nune’e vitima hirak hatoo kedas ba SEFOPE hodi buka solusasaun.
“ Iha fulan Abril ne’e nia promote atu fo rejultadu ami komunika ba nia nometu block hotu,nune’e ami la hetan ona ligasaun tan ne’e ami mai hato’o iha diresaun SEFOPE atu nune’e bele ajuda hodi bele resolve problema hirak ne’e”dehan Vitima Rivaldo Amaral do Nascimento ba jornalista iha salaun SEFOPE hafoin halo komferensia imprensa, Segunda feira (8/4).
Vitima nia parte haktuir r katak sidadaun ne’ebe vitima la koñese mos nia identidade tanba joven hirak ne’e husu tutan ba tutan mak hatoo informasaun katak hatama osan hodi ba sevisu iha Austrália ho urgente lori nia diresaun SEFOPE no liga mos kompaña Austrália nian nune’e vitima hirak ne’e konsege monu ba manobra hirak ne’e.
“Ami fiar tama ema ne’e mos hanesan traballador ida iha Austrália hodi hato’o mai nune’e ami konsege monu ba monobra.Wainhria ami hatama osan nia promete mai ami katak ida ne’e urgente tamba nee tenki lalais no promesa mai ami katak dia 29 fulan marsu ne’e haruka ami tuir teste saúde nian maibe ami hein informasaun ida ne’e husi nian la iha informasaun ruma tamba ne’e ami hatoo keixa ida ne’e Ba SEFOPE”haktuir Vitima.
Nia afirma, husi aktus hirak ne’e sidadaun ne’ebe halo kobransa nee hasoru vitima iha dalan deit entre sira ne’e balun hasoru iha dalan no balun hasoru iha SEFOPE Bekora rasik.
Ho aktus hirak ne’e mak vitima sente la satisfeita tanba lia promete nee laos nune’e sidadaun nain 16 konsente katak nia bosok tan nee hatoo ba parte SEFPE hodi buka tuir Traballador ne’ebe konsege habosok ona Timor sira.
Aliende ne’e diretór Jerál Formasaun Profisionál no Empregu Carlito do Rosario Cabral relata katak parte relevante simu ona keixa husi vitima iha semana kotuk.
“Semana kotuk sira mai hatoo katak sira ne’e mak sai vitima Ba ema ne’ebe halo kobransa ilegal ba sira ho osan ne’ebe valor boot,saida mak ema ne’e promete to’o agora la akontese ba ita nia kandidatu sira ou vitima hirak ne’e”Carlito esplika.
Diretor Jeral SEFOPE afirma katak seidauk hatene nee funsionariu SEFOPE ka ema seluk maibe ema individu ou grupu ne’e iha liur maka halo kobransa.
“Agora ami halibur informasaun no koalia ho vitima sira hodi hetan evidênsia mai ita hodi ita bele halo prosesu hasoru ema hirak ne’e mak halo kobransa ilegal”nia argumenta.
Antes ne’e mos Sekretariu Estadu Formasaun Profisional no Empregu, Rogério Arauju Mendonça iha Salaun Beach Garden kompremetidu katak sei buka tuir sidadaun ne’ebe deskonfia halo kobransa ilegal ne’e.
“Iha loron tolu ba kotuk iha ona Keiza husi parte familia no kandidatu traballador maibe mos balun la tama iha kandidatu katak iha ema ne’ebe responsabilidade ba servisu ida ne’e sira halo kobransa hetan $ 500 dólar balun hetan $ 700 dólar maibe ami servisu hamutuk parte kompetente ne’ebe mak halo ne’ebe mak bele halo investigasaun ema sira ne’ebe mak identifika ona” tenik Rogério.
Entertantu Vitima ba kobransa ilegal hamutuk nain 16 husi numeru ne’e nain 4 naran tama lista kandidatu traballador Austrália ne’ebe tuir teste iha Likisa no nain 2 tuir ona teste tinan tinan kotuk no sira seluk naran la prense iha lista kandidatu refere.(Belém)
