DiliPost.com- Orlando Soares ho idade lima nulu resin tolu (53 ) mate iha kama leten bainhira toba dukur fen kaben lori katana Taa iha kakorok.
Kazu ne’e akontese loron 23 fulan Abril ne’e maizumenus tuku 3:00 madrugada oras Timor Leste iha Suku Lepo,Aldea Beatuma postu Administrativu Zumalain Munisipio Covalima.
Alsina dos Reis hanesan Oan Feto husi Matebian Oarlando Soares ba DILI Post,infoma katak kronolojia kazu omesidio nee akontese iha loron 23 fulan Abril tinan 2024 iha matebian sira nia uma,iha aldea Beatuma,wain hira nia hanesan oan feto sai husi nia uma iha Suku karabau tuku 5:00 madrugada ba Matebian Orlando Soares nia uma iha suku Lepo.
Ho objetivu ba foti nia batar ne’ebe maka tau hela iha matebian nia uma. Maibe, to’o iha uma nia bolu matebian la hatan no telefoni mos matebian la foti.
Hafoin matebian nia ferik oan mak hatan dehan “matebian laiha uma.”
Ho resposta husi fen kaben ne’e nia mos fila-fali ba merkado karabau hodi ba buka mate bian. Maibe, lahetan hodi nia fila-fali mai matebian nia uma iha suku Lepo, hodi obriga loke odomatan no nia hare ran sulin iha uma laran no tama ba kuartu laran,hare nia apa mate hela iha kama leten taka rabat ho Ran.
“Hau mos lahatene problema tansa mak feto nee bele oho hau nia pae ne’e. Sorte antes nee hau nia pae telfoni hau haruka hau ba foti ona ami nia batar ne’ebe maka ami silu iha toos sei tau iha pae nia uma,ne’ebe pae haruka ami tula iha kareta hodi ba faan iha merkadu. Hau hatan dehan dader mak ba foti, entaun dadersan tuku 5:00 madrugada hau mos sai husi ami nia uma iha karabau lao ba pae nia uma iha suku Lepo,” haktuir Alsina iha Hospital Referal Suai,Tersa feira (23/04) ne’e.
Iha madrugada hakat ba pae nia uma fuan nakdedar sente hanesan buat ruma atu akontese ba to’o iha pae nia uma bolu ema ida lahatan no telfoni ba pae nia Nomor lafoti.
“Hakfodak pae nia ferik oan koalia iha uma laran dehan o nia apa laiha nia sai husi uma iha tuku 2:00 nee lahatene nia ba toba iha toss lae nia ba basar iha merkado karabau.”
Entaun, nia mos fiar lao ba fali merkado Karabau buka pae lahetan.
Nu ne’e, nia desidi fila- fila ba uma bolu fali pae lahatan obriga dudu odomatan tama uma laran, hare pae nia ferik oan kaer hela martelu.
“Hau foti matan hateke ba didin lolon koartu pae sira nia nee ran sulin loss,ne’emak hau tama ba koartu laran hare pae mate toba taka rabat hele ho ran sulin iha kama lete. Entaun hau tanis hakilar hodi familia balun rona no vizinho sira mos rona mai hotu hodi hare,no hau pae nia ferik oan nee monu oin nakukun tanba pae nia ran lanu nia,” hasara oan feto husi matebian ne’e.
Nia hatutan, ho akontesementu ne’e komunika kedas ba polisia sira to’o mak foin foti nia, hodi husu dehan nia mak taa duni pae wainhira pae toba dukur iha oras tuku 3:00 madrugada ho katana nia subar iha armari okos polisia mak buka hodi foti hanesan evidensia.
Nia hateten Suspeitu naran inisial AS hanesan Matebian Orlando Soares nia ferik oan segundu ne’ebe matebian hola hafoin ferik oan boot mate iha tinan 2009, ne’ebe ho oan hamutuk 11 feto nain 7 mane nain 4. Matebian ho nia ferik oan segundu iha oan feto ida ne’ebe mak foin tinan 4.
“Ami oan husi pae nia fen boot hamutuk nain 11, feto nain 7 no mane 4,ne’ebe alin feto ida fila uluk ona ba mundu seluk,hafoin liu tinan 10 maka pae hola fali feto kiik AS ne’ebe sira iha oan feto ida foin tinan 4,” tenik nia ho mata wen.
Nia mos sente triste tansa pae nia ferik oan oho fali pae to’o oras ne’e sira hatene motivu lolos saida.
Tan ne’e, nia hakarak suspeitu tenke hetan kastigu iha prizaun ho asaun ne’ebe halo hakotu pae nia vida iha mundu.
Tuir informasaun ne’ebe Dili Post online asesu husi suspeitu AS hato’o katak nia rasik maka taa vitima lori katana mate fatin no nia rasik lahatene katak matebian mate,derpenti familia no vizinho sira tama ba uma laran tanis hakilar mak nia foin hakfodak dehan nia katuas oan mate ona.
“Hau nia katuas oan hau rasik maka taa nia uza katana, “hakotu suspeitu ne’e.
Aliende ne’e Polisia akompana ho matebian nia oan lori kedas mate isin Orlando Soares ho Ambulasia to’o iha Hospital Referal Suai, tuku 7:30 oras Timor-Leste.
Dadaun ne’e mates is tau iha mortoariu Hospital Suai, hodi halo kontinuasaun ba prosesu autopsia iha Hospital Nasional Guido Valadares. (aldo)
