DILI Post News, 03 Dezembro 2025 – Sidadaun Husi Ataúro mate iha uma laran durante loron-3 iha suku Vila-Verde Aldeia Terus-nain, Autoridade lokal ne’ebé deskobre kazu ne’e sei hala’o investigasaun atu klarifika motivu mate ne’e.
Komadante Eskuadra vera cruz Inspitor xefi Ernesto da Costa Guterres hatete, bainhira heþn informasaun ne’ebe mak sidadaun ida mate iha uma laran, informasaun ne’e parte siguransa hetan direta mente husi xefi aldea terus nain fo informasaun katak sidadaun ida mate iha uma laran.
“Xefi aldeia mos hetan fali informasaun husi komunidade ne’ebe mak hela besik ho sidadaun ne’e, tamba saida mak komunidade ne’e fo hatene ba xefi aldeia tamba komunidade ne’e uma besik sidadaun mate iha laran nia odamatan taka loron taka kalan no hare lalar barak no dois ne’ebe mak makas entaun komunidade hakbesik ba hare hetan sidadaun ne’e mate hela iha rai ho kondisaun ne’ebe mak la uja ropa no sidadaun ne’e nia fen laiha no oan laiha nia mesak mak hela iha uma” dehan komadante Vera-kruz inspitor Ernesto ba jornalista sira iha nia kna’ar fatin Eskuadra Vera-kruz kuarta(03/12/2025)
Durante sidadaun hela mesak iha uma nia odamatan taka loron taka kalan ema ida labesik, depois akontese komunidade ne’ebe hela besik ho sidadaun horon is makas no lalar barak hobur iha fatin ne’eba, tanba ne’e mak komunidade ne’e hatene ema mate iha uma ne’e nia laran maibe mate ne’e durante loron tolu liu ba.
” Tanba ne’e mak xefi aldeia pasa informasaun mai radio sentral no kontaktu kedan ba patrolimentu vera cruz hodi ba kedan fatin akontesimentu hodi identifika katak los duni mate isin iha hela uma laran”nia informa.
Iha momentu ne’eba kedas sira kontaktu mai delta-2 hodi kontaktu fali ba radio sentral hodi kombina ho parte forensik sira.
Sidadaun ne’ebe mate ho naran kompletu Joao gomes idade 50 origen husi Atauro suku makili no agora hela iha suku vila-verde aldeia terus-nain.
“Horseik ita nia investigasaun ba duni fatin refere foti ona informasaun husi akontesimentu ne’e maibe seidauk hetan lolos kauza husi mate ne’e, horseik mos ita kontaktu ona forensik ba hare mate isin ne’e hodi ba hospital nasional gidu valadares (HNGV) hodi kontinua prosesu halo autopsi,”nia hatutan.
Komando PNTL sira seida’uk halo kordenasaun ho matebian nia familia sira iha Atauro tanba komando sira sei halo autopsi ba matebian atu nune’e bele hatene motivu mate, prosesu autopsi hotu tenta matebian nia familia sira oinsa atu mai lori fila matebian ba nia rai origen.
Jornalista : Ercia Freitas
