DiliPost.com-Deskonfia estudante Amelia de Andrade Gusmao ho idade sanulu resin walu (18) husi eskola Sekundaria Serankotek Suai, monu Mate kedas tan konsumu ‘Rabisado Babol’ no hemu ho Bee ne’ebe sosa husi kios ida besik Eskola oin,iha Aldea Tali Oan,Suku Debus postu administrativu Suai.
Tuir kronolozia ne’ebe Dili Post online asesu husi Matebian nia kolega eskola ho Naran Agustina Mendonca katak, vitima Foin maka sai husi uma ba eskola iha tuku 8:00 Oras timor leste to’o iha kios nia hola Bee Aqua sedan ida hodi hemu hafoin nia han rabisadu ne’ebe fo husi nia kolega antes sai husi uma ba eskola,derpenti nia monu hanesan listrik soke no kaben mutin sai hotu.
“Ami nia kolega ne’e salah ida klas III turma 5,konaba akontesementu nee ami mos lahatene tanba derpenti kios nain hakilar maka ami hotu halai hodi ba hare,nia monu toba iha rai kaben mutin mak sai,depois mestri sira telfoni ambulancia tula mai hospital,akontese nee iha tuku 8:00,”haktuir Agustina ba Dili Post iha Hospital Referal Suai,Tersa feira (23/04) ohin.
Nia mos relata Matebian nia uma iha Lontale matebian ba eskola nia alin mane mak tula nia ho motor, to iha eskola oin mak matebian tun hola bee malirin hemu hotu maka matebian hakfodak monu liu,kios nain mos hakfodak hodi hakilar.
Iha Fatin hanesan Diretor eskola Sekundaria Serankotek,Fernando Ferreira, hateten iha akontesementu nee halo sira hotu hakfodak,tanba foin maka eskola atu tama tanba feriadu durante semana ida,derpenti rona novidades nee sira hakfodak hodi halai ba hare estudante nee monu toba nakonu ho kaben iha ibun lasadar.
“Ami nia estudante feto ida monu iha kios oin hafoin han rabisadu no hemu bee monu hela iha kios nia oin,nebe ami hotu halai ba hare nia kondisaun lakoalia kaben mak nakforin iha ibun.Entaun, ami bolu kedas ba ambulansia hodi tula lori mai Hospital,maibe ami la espera katak nia bele lakon iha ami hotu nia oin,” tenik diretor eskola ne’e.
Nia hateten sei bele bee ne’ebe maka matebian hemu no rabizadu ne’ebe maka matebian konsumu tenki lori ba laboratorium hodi halo identifika,keta halo iha kontaminasaun veneno balun.
Nune mos Matebian nia Profesor da turma,Luizino de Andrade informa katak durante semana ida eskola feriadu tanba foin mak remata ezame,no tuir nia hatene matebian laiha problema ruma maka matebian hasoru durante iha eskola.
Maibe, tuir nia hare matebian emazne’ebe maka diak badinas ba eskola no gosta hase malu ho ema seluk nomos mestri sira hotu iha eskola.
“Hau hanesan Profesores daturma sira nia,hau sente triste tanba hau nia estudante nee ema ne’be maka matenek nemak badinas ba eskol,no hau hatene matebian laiha problema. Tanba durante nee nia diak ba ema hotu,tantu nia keolega sira nomos ami mestri sira,” tenik edukador ne’e.
Nia hatutan, agora akontese ida ne’e derpenti halo asira mos hakfodak tanba sira feriadu semana ida,foin maka atu hahu fali eskola mak mosu fali akintesementu nee ida.
“Ami hotu sente triste tebes tanba lakon ona ami nia alunus diak ida,” hakotu nia. (aldo)
