DiliPost.com – Autoridade Seguransa Polisia Nasional Timor Leste (PNTL) foin lalais detein sidadaun estranjeiru hirak ne’e tanba indentifika partisipa direita iha jogu online illegal.
Sidadaun estranjeiru ne’e hetan kaptura bainhira halao operasaun konjunta ba fatin sira ne’ebe sai hanesan tarjeitu iha area Tibar, Ulmera, Manleuna, Fomentu no Kampung Baru.
Nun e’e, ligadu ho sidadaun estranjeiru ne’ebe deskonfia utrapasa fronteira laiha dukumentus komprovativus, Diretór Ezekutivu Servisu Migrasaun (SM) Komisáriu Asistente Polísia, Jorge Monteiro klarifika sidadaun estranjeiru ne’ebé Diresaun Servisu Investigasaun Kriminál asegura no detein hamutuk 100-resin sira iha Pasaporte no viza.
“Suspeitu ne’ebé suspeitadu ba kazu ‘Scaming online call center’ iha 100- resin ne’e polísia detein ne’e Pasaporte no mai ho dalan legal,” hateten Diretór SM ne’e liu husi Konferensia Impresa, Kinta-feira (16/07) iha Ministeriu Interiór Vila Verde.
Aliende ne’e, nia afirma tan sidadaun hotu-hotu husi nasaun ne’ebé de’it ne’ebé ke tama legalmente iha territóriu nasionál Timor-Leste liu husi pontu fronteira sira ne’e sira iha dokumentos viajen hanesan Pasaporte ne’e sempre iha.
Ne’e duni, nia haktuir hanesan sidadaun Xineza sira ne’e identifika balun mai ho viza traballu no turizmu nian.
Maibe, nia dehan sidadaun balun ne’e SM seidauk indentifika katak iha empreza mak kaer sira-nia Pasaporte.
“Sira nia Pasporte dokumentu legál, sira nia Pasaporte ne’e iha klaru ke laiha sira-nia liman. Ha’u fiar, ha’u garante katak sira tama iha territóriu nasionál Timor-Leste ne’e sira nia Pasaporte ne’e iha. Sira atus ida resin ne’ebé ke kaptura ne’e sira nia Pasaporte iha,”tenik Diretór SM Jorge.
Nia mos lamenta tansa maka tama iha territóriu nasionál Timor-Leste sira nia Pasaporte iha fali ema individu ka iha fali kompañia ka iha fali ajensia sira.
” Ita nia Estadu ne’e fo lisensa ba iha kompañia sira ba iha ajensia sira lisensa legal, hodi trata dokumentu estranjeiru nian ne’ebé ke tama iha territóriu nasionál Timor-Leste,” nia esplika.
Tan ne’e, nia hare kestaun sira ne’e mosu la’ós broker maibé ida ne’e mak situasaun real.
Nia mos relata kona ba ajensia ou kompania ne’ebé ke trata dokumentu ema estranjeiru ne’ebé ke tama iha territóriu nasionál Timor-Leste ajensia ne’ebé ke legal i rejistradu iha parte SERVE nian.
“Ha’u hakarak hateten sidadaun sira ne’e tama iha territóriu nasionál Timor-Leste ne’e, ha’u garante sira tama ho dokumentos viajen estranjeiru hanesan pasaporte,”subliña diretor SM ne’e.
Ne’e duni, nia dehan kuandu polísia ba kaer sidadaun estrajeiru nia Pasaporte laiha sira nia liman ida ne’e mak kna’ar no responsabilidade autoridade seguransa nian, hodi buka no hatene sidadaun sira ne’e nia Pasporte iha ema individu nia liman ka ajensia ou kompania nia liman.
Jornalista : Octaviana Costa
