Dílipost.com, Loron 21 Juñu 2026,- Timor-Leste lakon nia líder istóriku, Eis Prezidente Francisco Guterres “Lú Olo”Prezidente FRETILIN, hakotu iis iha Ospitál Prince Court, Kuala Lumpur, Malázia, hafoin hala’o tratamentu saúde intensivu.
Dílipost.com Asesu iha ofisiál página, Ho laran-triste kle’an no moras boot, família fó-hatene katak Sua Exelénsia Prezidente FRETILIN nian, eis-Prezidente RDTL nian, Presidente Asembleia Konstituente no eis-Prezidente Parlamentu Nasionál nian, Dr. Francisco Guterres Lú Olo, hakotu iis ona ohin, iha Ospitál Prince Court, iha Kuala Lumpur, Malázia, hafoin hala’o tratamentu saúde intensivu.
Ninia partida ida ne’e reprezenta lakon boot ida ne’ebé labele troka ba kaben, oan no família tomak, ba FRETILIN, ba ninia kompañeiru luta sira, no ba sira hotu ne’ebé partilha hamutuk mehi no harii Timor-Leste ida ne’ebé livre, demokrátiku no soberanu.
Ami husu ba hotu-hotu atu respeita família nia privasidade iha momentu susar ne’e, nu’udar ita hamutuk iha orasaun no fó omenajen ba ninia memória, ninia legadu, no ninia dedikasaun ba povu timor-oan.
Informasaun kona-ba serimónia fúnebre nian sei fó-hatene iha tempu oportunu.
Iha momentu lutu no laran susar ida ne’e, ami hato’o ami-nia agradesimentu wa’in ba hotu-hotu ne’ebé hatudu ona solidariedade, amizade no apoiu ba família.
