DiliPost.com- Prezidente Republika (PR) apoiu orsamentu 10 mil ba konstrusaun salaun parokia Kailaku Aldeia Nopu Postu Administrativa Kailaku Munisípiu Bobonaro.
Sesta-feira (03/07/2026) ne’e PR, liuhusi asesor servisu sosiedade sivil asuntu sosial lansa fatun dahuluk ba konstrusaun salaun Parokia Kailaku.
Asesor servisu sosiedade sivil no asuntu sosial, Quintiliano moniz hatete, apoiu ne’e konsiénsia husi PR rasik hanesan sarani. Tan ne’e, hamutuk ho Autoridade no sarani sira tau dadaun fatuk dahuluk iha momentu ida ne’e.
“Karik depois hasoru difikuldade bele aprezenta ba ami, mesmu temi de’it Salaun.Maibé, nia sei sai paroquia ida, ne’e mak orgullu boot, ohin loron ita halibur malu iha fatin ida nee, atu lansa fatuk dahuluk ba konstrusaun Salaun Paroquia Kailak.”dehan asesor Asesore ne’e ba jornalista iha Kailaku, Testa-feira ne’e.
Nia hatutan apoiu ne’e la’ós mai husi governu maibé ne’e apoiu husi PR nian.
Ne’e duni, nia mos relata kona-ba apoiu ne’ebé mak iha Kailaku ne’e nia haree ladun barak tanba hanesan entidade hotu hatene PR la’os ezekutór. Maibé PR nia apoiu sira hotu mai husi nia konsiensia lolos servisu apoiu sira nee Governu nian, mais PR nia tulun sira ne’e mai husi konsiensia rasik
Iha fatin hanesan Prezidente Administradór Postu Kailaku, Rodolfo da Cruz, agradese tebes ba PR bele apoiu fundus hodi suporta konstrui salaun parokia hodi tau fatuk dahuluk.
“Ba salaun ida nee fundus neebe mak apoiu husi Prezidente Republika ami promete katak fulan rua salaun ida nee remata tanba kriteria atu haria igreja parokia mak salaun no kartoriu nomos residensia”, dehan Prezidente
Administrador ne’e.
Aleinde ne’e, Prezidente komisaun ba Pereprasaun salaun Parokia Kailaku, João Leto Mali Lopes, hatete preparasaun ba instalasaun Paroquia ne’e presiza tulun parte hotu, kondisaun agora prepara mak primera pedra ba Salaun Paroquia.
“Ami-nia kartollu iha ona, ami nia igreza mak seidauk iha tanba ne’e ami husu tulun ba eselensia Prezidente Repúblika para haree ami nia pozisaun, Ami agradese tebes ba Presidente liu husi Asesor Sosiedade sivil bele tulun ami ho osan USD $10 Mil mak agora dadaun ita atu lansa obra ida nee,” João agradese.
Nia dehan, Agora dadaun hahú ona ami nia servisu ba barazen igreza nian maibé sei presiza ekipamentu pezadu tanba prepara hela konstrusaun igreza, tanba too agora seidaun sai paroquia.
“Ami iha rai no agora dadaun ami prepara ona salaun Paroquia depois ida nee ami bele hahu ona konstrusaun igreza”, tenik nia .
Entertantu Iha lansamentu nee partisipa mos Prezidente Administrador postu Kailaku Autordade lokal, padre inklui sarani Kailaku sira.
Hafoin lansamentu fatun dahuluk ba konstrusaun salaun Parokia Kailaku, iha dalan fila mai Dili, Asesore servisu sosiedade sivil no asuntu sosial, Quintiliano moniz, halo kedas apoiu ba oan kiak na’in lima iha postu Balibo suku Sanirin, Aldeia Caco hodi entrega nesesidade bázika ba oan kiak na’in lima.
Ho apoiu ne’e Asesor haktuir ba oan kiak na’in lima katak, PR sei tau matan oan kiak na’in lima to’o idade 17 no loron ida prezidente sei konvida oan kiak na’in lima ba Dili.(Octa)
