DiliPost.com- Kinta feita (06-11) ohin, abertura teste fiziku kandidatura foun ba ajentes Polisia Nasionál Timor Leste(PNTL) husi Munisípiu Aileu hamutuk 300. Prezidente komisaun Rekrutamento(PKR) fiar katak kandidatu sira sei hetan rezultadu di’ak iha teste refere.
Tuir Prezidente komisaum Rekrutamento polisia, Pedro Belo, dader ne’e sira mai atu prepara an ba teste fiziku nomos intervista kontinua mos ba iha psiko teste.
Tan ne’e, nia lori Komisaun, ekipa juri, Sekretariadu no ekipa tékniku tomak nia naran husu ba kandidatura sira hodi halo tuir regras hotu-hotu ne’ebé implementa ona. Tuir lei no diploma ministerial numeru 37/2025.
“Ita-bo’ot sira halo tuir halo didi’ak, orsida iha instrusaun ruma husi ekipa tékniku ne’ebé mak hamutuk ho ita bo’ot sira, ita bo’ot halo tuir ho didi’ak, ha’u fiar katak ita bo’ot sira hotu-hotu prepara an ho fisiku durante fulan hira nia laran, balun prepara an iha tinan hirak liu ba no balun foin anunsia sai ona mak atu rejistu mak balun prepara fíziku,” tenik Segundu Komisario Jeral PNTL Pedro Belo ba Kandidatura sira bainhira abertura teste fisiku iha sentru formasaun polisia Komoro.
Ne’e duni, nia apela ba kandidatura sira prepara an halo didi’ak orsida bele hetan valor di’ak, ohin hahú husi munisípiu Aileu, fiar katak aileu foho mos barak halai beibeik.
Maibe, kandidatu mos tenke fisik di’ak halo tuir instrusaun sira ne’ebé mak iha.
No husu mos ba ekipa tékniku sira asiste ho di’ak tuir regras ne’ebé mak iha, maibe labele halo liu regras ne’ebe mak iha, tuir de’it regras sira ne’ebé iha.
Nia hatutan kandidatu sira bele kontinua iha dader ne’e, husi parte tékniku fo hatene ona ba kandidatura sira mai ne’e atu prepara an, dader prepara saida-saida loraik prepara saída-saída, depois mak husi tékniku sira no parte intervista sira bele haree situasaun ida ne’e.
“Ha’u husu ba maluk sira hotu ita iha ne’e atu fasilita ida ne’ebé mak lais, la hele halo difikulta fila fali ita nia kandidatu sira, bu’at sira ne’ebé mak bele halo, labele bu’at kiik oan ida laiha ita bo’ot sira duni fila ne’e ita “mempersulit”, ita husu para atu fasilita sira, maibe importante liu ita bo’ot sira nia Billete identidade(BI) ho kartaun Eleitoral, ha’u fiar katak ita-boot sira rama mai kompletu ona,” tenik Segundo Komisario Jeral.
Aliende ne’e nia agradese tebes-tebes ba ekipa komisaun fiskalizador monitorizasaun ekipa juri tomak Sekretariadu, ekipa tékniku sira ne’ebé mai husi Unidade espesial no CFP ne’ebé mak orsida fo texte ba kandidatura sira agradese ba imi hotu tanba loron hira imi prepara an tebes, prepara fatin intervista, agradese tebes-tebes ba imi no mos kandidatu sira ne’ebé mak mai husi munisípiu Aileu.
Entertantu Kandidatura sira husi Aileu maske do’ok maibe konsege to’o mai iha fatin ida ne’e, fiak katak kandidatu sira bele hetan rezultadu ne’ebé di’ak, kandidatura sira agora iha ne’e 150 iha dader no iha loraik 150.(Aza)
