DiliPost.com-Vontade Parlamentu Nasionál (PN) ba Lei Kriminaliza Difamasaun (L-KD), Bankada CNRT, PD ho KHUNTO submete ba gabinete meza PN debat iha faze Jeneralidade.
Husi parte Pimeiru Ministru (PM) Kay Rala Xanana Gusmão la konkorda ho lei refere no husu Tribunál tau prioridade rezolve kazu sira importante.
“Ha’u ladun konkorda kona-ba lei defamasaun tanba mosu ho imi nia média sosiál mosu problema boot liu fali agora, ida mak emvés Tribunál ba haree kazu neebe rihun ba rihun ne’ebé seidauk rezolve tan, ba haree fali buat kiik ida bee tolok malu,” lia hirak ne’e Xefi Governu hato’o ba jornalsita hafoin enkontru ho Prezidente Repúblika iha palasiu Prezidensiál Nicolau Lobato Bairu-Pite, Kinta (16/7) ne’e.
Molok ne’e, Prezidente Repúblika, José Ramos Horta hatete, enkontru semanál iha loron Kinta-feira, 16 Jullu 2026 sei ko’alia ho PM , Kay Rala Xanana Gusmão fó instrusaun ba Bankada Governu hanesan CNRT ho PD hasai tiha lei kriminaliza difamasaun.
“Loron Kinta-feira mai ne’e ha’u sei ko’alia ho Primeiru Ministru, Kay Rala Xanana Gusmão. Nune’e Primeiru Ministru fó instrusaun ba Bankada CNRT, PD hasai tiha projetu lei ba difamasaun ne’e,”dehan PR Horta.
Nia akresenta, liu-liu konsentra ba buat ne’ebé presiza ba ekonómia ba dezenvolvimentu rai ne’e mak ha’u kontra,”hateten PR Horta. (Lusia)
