DiliPost.com-Sente ou la sente durante ne’e, iha Barru-Bairru sempre mosu problema kalan loron tan de’it juven sira konsumu alkohol nunka kontrolla sira nia an hodi hamosu problema hanesan estraga ema seluk nia sasan ou kria instabilidade iha komunidade nia leet. Balun bainhira lanu la kontrolla an hodi halibur hamutuk hodi hakilar to’o rai loron.
Ninia impaktu negativu perturba ema seluk nia hakmatek balun oan nurak, moras presiza deskansa, maibe hahalok lanu halo barullu Bairru laran nunka sente hakmatek. Liu-liu loron bo’ot hanesan Finadu, Natal-Tinan Foun troka malun ou loron bo’ot seluk hanesan Proklamasaun (28/11). Nakait ho problema ne’ebe mensiona ona leten presiza dunik kria Forsa Tarefa Conjunta (FTC), se la’e povu kbi’it la’ek nunka sente hakmatek iha sira moris loron-loron.
Ekipa
Ohin ekipa FTC hala’o daudaun nia servisu bazeia ba Rezolusaun Governu nú.43 no 44 nune’e, ekipa FTC komesa estabelese daudaun hodi bele elabora,”ami nia servisu, se’i halo aprezentasaun ba Komandu-2 FALINTIL-Forsa Defeza Timor-Leste (F-FDTL), Polísia Nasionál Timor-Leste (PNTL), atu orienta ami hodi servisu di’ak liu tan,”porta-voz PNTL Superintendente Polisia, João Belo dos Reis ba Jornalista hafoin remata enkontru ho ekipa FTC iha Kuartel Jeral-Caicoli, Kuarta-feira (01/10) ne’e.
Komesa
FTC komesa halo daudaun ona sira nia servisu bazeia ba Rezolusaun Governu nú.43 no 44 atu hala’o Seguransa ba povu sira atu hala’o sira nia atividade ho hakmatek hanesan loron Findu no loron bo’ot sira hanesan (28/11).
Faze preparasaun ba ekipa FTC, F-FDTL-PNTL, tu’ir Rezolusaun Governu Operasaun Konjunta (OK), se’i hala’o fulan-3 atu kontrolla situasaun rai laran to’o iha Tinan Tuan-Tinan Foun troka malun.
Estabilidade
Entretantu, Komponente Aero Lizeiru F-FDTL Komandante Komandu FTC, Helder da Costa hateten, atividade ne’ebé mensiona iha Rezolusaun Governu ne’e, espesifikamente ba adezaun TL ba Asosiasaun Nasaun Sudeste Aziatiku (ASEAN), ba (28/11), tinan-tinan hala’o, Seguransa ba estabilidade loron Finadu, Natal no Tinan Foun atu povu hotu hakmatek.
FTC hahu operasaun iha (14/09/2025), to’o Janeiru Tinan Foun-2026, operasaun ne’e, atu kria estabilidade iha Munisipiu hotu nune’e, iha loron Mate-Bian (MB), populasaun sira kalma hakmatek.(ercia)
