DiliPost.com- Polísia Nasional Timor-Leste (PNTL) liu husi Komandu Munisípiu Dili simu ona orientasaun husi komandu Jeral PNTL atu koloka membru ‘haforsa’ seguransa iha prosesu Funébre saudozu Eis Presidente Republika (PR) Francisco Guterres “Lú-olo” iha dalan-dalan sira too remata.
“Ba Funébre ba Saudozu Eis Presidente Republika Francisco Guterres “Lú-olo Komandu Munisipiu Dili Simu ona orientasaun husi Komandu Jeral atu halo planu operasaun no atu koloka membru Tranzitu nomos membru PNTL balu iha ida dalan hodi apoiu ba Funebre nee remata” dehan Komandante operasaun Polísia Nasionál Timor-Leste Munisípiu Dili Superintendente Asistente Polísia Luis Amaral ba jornalista sira iha farol, Kuarta-feira (24/06/2026).
Luis dehan, Tuir planu monta ba fatin neebe Saudozu ba vizita mak hanesan Sede Komité Sentrál FRETILIN, depois kontinua ba Kuartél Jenerál F-FDTL, Palasiu Presidente, Parlamentu nasiona no sei relaiza misa iha Katedral ikus iha Metinaru.
“Komandu munisipiu dili sei hatun efetivu tomak no hetan mos apoiu husi Polisia Unidade Espesial (UEP), Unidade Polisia Maritima (UPM) nomos F-FDTL para funebre ba Saudozu Francisco lao ho idak”, tenik Luis.
Komandante operasaun PNTL Munisípiu Dili Superintendente Asistente Polísia ne’e husu ba Populasaun fo minutu ida atu halo kontinensia ikus ba Saudozu.
“Ba populasaun hotu tenke fo sentidu kondelesensia ba Heroi Nasional no hotu-hotu tuir seremonia funébe iha Metinaru” apela Luis.(Octa)
