DiliPost.com-Organizasaun Naun Governamentál Hali Ba Dame (HABADA), parabeniza Polísia Nasionál Timor-Leste (PNTL) durante hala’o seguransa ba loron finandu ho susesu tanba ema hotu ba rate no fila ho seguru.
Tuir Diretór Ezekutivu Hali ba Dame (HABADA), Abel Amaral, HABADA Hato’o nia Kongratulasaun no fo parabéns ba Polísia Nasionál Timor-Leste ne’ebé fó ona sira nia aan no halo servisu ida ne’ebé makas hodi asegura situasaun iha tempu finadu la’o di’ak no seguru.
“Primeiru ita hakarak hato’o parabéns ba komunidade sira iha territóriu nasionál Timor laran tomak, ne’ebé kontribui ona situasaun Paz durante selebrasaun Loron finandu.
“Segundu parte ita kongratula no parabéns ba serbisu seguransa liu-liu PNTL inklui mós forsa tarefa ne’ebé ne’ebé hala’o kolaborasaun di’ak tebes hodi halo seguransa ne’ebé la’o di’ak durante loron matebian,” dehan Direitór HABADA , Abel Amaral ba Dili Post online iha kna’ar fatin, Tersa feira (4/11).
Nia dehan, haree ba situasaun sira ne’ebé iha tinan hira liu ba kompara ho tinan ida ne’e diferente boot tanba iha tinan ida ne’e situasaun jerál la’o di’ak.
“Ita hatene katak iha tinan hirak liu ba ita bele dehan katak iha fatin balunmosu konfrontasaun no mós mosu asidente sira. Mais iha tinan ida ne’e ita haree situasaun jerál la’o hakmatek, ne’e la’ós parte balunnia kontribuisaun de’it maibé ema hotu nia kontribuisaun ba nia kolaborasaun no preparasaun hahú husi família to’o munisípiu tanba ne’e mak ita haree situasaun ba selebrasaun durante finandu ne’e la’o hakmatek no mós kooperasaun komunidade no instituisaun estadu la’o di’ak,”sublina Abel.
Nia dehan, ba polítika komandu munisípiu Dili ne’ebé fó regra ida-ne’e vale to’o ba munisípiu no husi munisípiu to’o nasionál laiha asidente no insidente ne’e mosu iha durante finandu ne’e
“Ami hanoin saida komandu munisípiu Dili apela ba komunidade katak atu rate tau aifunan ba rate labele liu tuku 19:00 ba leten, tanba ne’e hamosu pertubasaun, entaun ami hanoin komunidede hotu-hotu kontrobui duni, entaun regulamentu ne’e komandu Munisípiu halo ida ne’e mós valeba munisípiu sira seluk, ne’eduni ami hanoin ba futuru ita mantein ho situasaun ida ne’e, ho mós situasaun hakmatek labele iha finandu de’it, maibé ita hotu kontribui ba pás no hakmatek ba futuru,” subliña Diretór HABADA. (**)
