DiliPost.com-Relasiona ho Parlamentu Nasionál (PN) nomea Defensor Públiku,(DP) Fernando Lopes de Carvalho sai membru konsellu superior Majistradu Judisiáriu ne’ebé hamosu polémika iha rede Media Sosiàl (MedSos) hodi provoka no debate barak husi utilizadór sira kona-ba nomeasaun refere.
Ho nune’e DP Fernando de Carvalho fó klarifikasaun ofisiál ba públiku kona-ba publikasaun ida iha Facebook ne’ebé relata katak PN hili Fernando Lopes sai Membru Efetivu Majistradu Judisiáriu.
“Ha’u atu klarifika notisia ne’ebe Grupu balun iha loron 26 Fulan Fevreiru tinan 2026, foin daudaun espalla iha Grupu informaun falsu Ida iha ne’eba dehanParlamentu Nasional nomeia no hili Fernando Lopes sai hanesan membru konsellu superior Mastradu Judisiais, e no mós sira hateten iha ne’eba hau nu’udar komandante Mahidi Cansio Lopes de Carvalho nia alin envolve iha Kazu sunu Uma,violasaun Sexual nomós oho ema iha tinan 1999, e ninia kazu Agora daudaun rezistradu ona iha Tribunal Distrital Dili,” klarifika Fernando ba Jornalista iha TJPID Kaikoli Kinta-Feira (05/03/) ne’e.
Tuir nia, notisia ida ne’e mak sira halo, depois komentáriu bar-barak husi sidadaun Sira.
“Objetivu ha’u halo konferensia Ida ne’e atu deklara ba publiku Fernando Lopes Mahidi Ida ne’ebe mak sira temi iha ne’eba laos ha’u, ne’e lo’os duni ema mahidi ida, maibé agora iha hela Indonésia lahatene nia iha Betun ou iha kualker situ iha Nasaun Indonesia nia laran, Ha’u Fernando Lopes de Carvalho deste tinan 2001 sai ona defensor públiku iha Timor e hatene diak liu Kazu ne’e. Tanba, iha tempu ne’eba defensor publiku iha Timor ema nain hitu (7) deit inklui ha’u , e hatene katak arguidu sira ba iha Kazu Ida ne’e nia dadus kompletu iha Tribunal Distrital Dili” haktuir Fernando.
Nia hatutan iha momentu ne’eba investigador UNTAET akompañadu husi Domingos Monteiro ne’ebe daudaun ne’e sai hanesan SNI ninia bo’ot ba iha Betun Indonesia foti dadus kompletu husi arguidu refere, Sira Nia dadus Agora iha hela tribunal Fernando Lopes Ida Mahidi ne’e ninia Inan-Aman,moris iha sa tinan dadus kompletu e envolve an iha Kazu saida ne’e kompletu iha Tribunal.
“Ha’u konvida tiha ona ba Liu husi Grupu Bunak kobiot, tanba ha’u mós tuir grupu ne’e mós iha se la sala FRETELIN YES, ha’u konvida Sira desde iha Segunda-Feira semana kotuk ba hau konvida Sira, para Sira mai iha tribunal ho hau hamutuk para haree autus ho didi’ak para atu labele hamosu polémika iha sosiedade nia leet,”tenik Fernando.
Nia Subliña konvida sira hodi ko’alia ho objetivu atu klarifika kona-ba sira dehan PN hili Milisi sai membru Konsellu Superior Majistradu.
” Konvida hodi ko’alia objetivu iha tolu ihane’e,Ida pessoal ha’u, tanba Sira dehan Hau milisi envolve iha Kazu ne’e Ida mós ba tribunal Ida ne’e,Tamba deste tinan 2001 ha’u Servisu ona iha ne’e Kazu Tama ona iha ne’e la hetan julgamentu los ka Lae?to Agora ,Sosiedade bele hanoin katak tamba Fernando nu’udar defensor Mak Nia kolega Sira Servisu hanesan juis,hanesan prokurador,hanesan defensor ne’e Taka tia deit Kazu ne’e,ne’e objetivu segundu.
Terseiru bele mós sira hateten ona iha Notisia ne’e Parlamentu Nasional hili milisi Ida sai hanesan global ba iha membru konsellu superior Mastradu Judisiais”.Katak Nia.
Ho polémika ne’e DP ba hatoo ona keixa ba PSIC,iha sexta-feira semana kotuk akompaña husi Defensor Juvinal Freitas.
“Keixa ba Tia ona PSIC ninia Numeru Keixa Nuc 0093/2026 PNSIK iha Sexta Feira Liu ba,e hau nia defensor mak Juvinal Freitas ami nain rua rasik Mak hakat ba iha PSIC hatoo Keixa ihlda ne’e”.nia Subliña.
Fernando Salienta PN Nomea nia hanesan membru majistradu Judisiáriu.
“Parlamentu nomea Duni ha’u hanesan Fernando Lopes de Carvalho defensor públiku,la’os hanesan ema Ida agora ke rezistadu ba iha naran Ida Fixa prossesu ne’e Fernando Lopes nia naran iha Fixa prosesu Ida ne’e,Sira aproveita akun iha lima Grupu Bunak koleziol,segundo nian mak FRETELIN YES,terseiru maka KONTRA SIRA ,Kuatru mak Grupo Facebook Ida naran STL,RTTL.E.P,GMN TV,Jornal INDEPENDENTE,Timor Post Grupu Ida deit Sira hakerek hanesan ne’eba depois Grupu Ida Tan maka F-TIMOR NEWS,”nia Informa.
PN nomea Fernando nuudar membru Majistradu Judisial iha loron 26 fulan Fevreiru tinan ne’e.
“Hau konkorda hanesan Timor oan komu Parlamentu Sira husu hau nia aseitasaun,hau mós aseita hanesan membru ,depois Hau mós deklara ba Ita boot Sira,Hau Laos milisi nia oan, Hau Hola parte iha Grupu rezistênsia Ida naran Barisan Penelurus Perjuangan Maubere (BPPM) depois ba iha malam iha rai Ida naran Saljaza,hau mak Lidera grupu ne’e,hau nia wakil mak Evaristo daudaun ne’e Servisu iha Banku BCTL depois sekretária mak Me.Carmelita Madalena” sublina nia
Entretantu Fernando Carvalho hetan Sertifikadu rekoiñesimentu husi Primeru Ministru Kay Rala Xanana Gusmão.(Júlia)
