DiliPost.com- Polísia Nasional Timor-Leste (PNTL) liuhusi Unidade Polísia Marítima (UPM), Diresaun Servisu Investigasaun Kriminál (DSIK) hamutuk ho Servisu Imigrasaun, FALINTIL-Forsa Defeza Timor Leste (F-FDTL) no Ofisiál Ministériu Públiku (MP) foti ona sasan kontra bandu iha portu Dili.
Relasiona ho sasan sira ne’ebe PNTL Baucau ho F-FDTL Prende no kaptura Sidadaun Xineza nain 6 utiliza bandeira Indonesia hatama sasan ilegál hanesan sigaru besik kontainer ida inklui mina iha area Seiçal, Laga Munisípiu Baucau Domingu (26/07).
Oras ne’e dadaun Sidadaun hirak ne’e PNTL asegura ona inklui mós sigaru no sasan evidénsia seluk ne’ebé ohin mais ou menus tuku 08.00 liu Ró ho naran Famara Jaya Utama sai husi Baucaun no atraka iha Portu Dili tuku 11:00 liu nune’e ekipa DSIK no Ofisiais MP asegura ona sasan evidénsia hirak ne’e no sei lori ba aprezenta iha MP kontinua prosesu investigasaun.
Ro refere ilegalmente utrapasa iha area Timor Leste ho bandeira Republik Indonesia tula sigaru kontainer ida liu ho marka hanesan, C15, C14,C11, C29, C17, C26, C12, E8, C24, no dadaun nee UPM ho Komponente Naval Forsa Defeza Timor-Leste , Servisu Migrasaun nomos ekipa sira seluk hatun ona sigaru ilegal nee.
Tuir fontes Sekreta hatete katak, Ró ne’e ho bandeira Indonezia maibé iha laran sidadaun indonesia laiha, Xina sira mak uza hodi tula sasan hirak ne’e.
“Ita haree Ro nee Bandeira Indonesia maka hamrik iha leten, maibe iha laran nee sidadaun Xineza maka barak liu, no roo laran nee sigaru ilegal besik kontainer ida resik maka iha laran, ” dehan fontes sekreta iha Portu Dili, Segunda-feira (27/07) ne’e
Nia informa , Sigaru ne’ebé hatama ilegal mai ne’e fan iha Timor karun no babain Xineza sira no Malae sira mak fuma.
Entretantu notísia ne’e tun Seidauk iha konfirmasaun ho Porta Voz PNTL tanba dadaun ne’e Porta Voz PNTL Superintendente Xefe Polísia João Belo dos Reis hala’o hela viajen servisu iha Bali Indonesia.
Jornalista : Octaviana Costa
