DiliPost.com – Prosesu julgamentu ne’ebe halao iha Tribunal Ministeriu Publiku (MP) Segunda feira (27/07) ne’e kondena arguidu ho inisial USN ba pena prizaun tinan 16 tanba komete kazu transansaun osan ilegal hamutuk $ 42 Milloes.
Arguidu USN sidadaun Negeria hetan pena tinan 16 kadeia tanda identifika hanesan autor orientador ba arguidu sira halao prosesu transansaun osan ilegal refere.
Iha alegasaun MP deklara katak akuza arguidu sira tanba iha indisiu forte katak bazeia ba faktu sira ne’e hotu MP konstan iha akuzasaun sira hotu envolve ba kada arguidu tuir krime ne’ebé MP imputa ba arguidu sira.
Primeiru arguidu USN ho SPPD nudar orientador ba arguidu sira seluk nia hodi halo prosesu transansaun osan illegal. Tanba, sira ne’e orientador husi Indonézia to’o mai iha Timor-Leste no arguidu sira seluk mak iha ne’e hein ba foti de’it iha Banku.
Nune’e, liu husi alegasaun PM husu Tribunal kondena arguidu USN ho pena unika tinan 16, arguidu FJFdS tinan 8, DdSFF tinan 5, AJFdS tinan 5, NFNP tinan 5, arguidu SPD no MU tinan 12, arguidu FCCO tinan 5, BFdS tinan 4.
Relasiona ho arguidu BFdS kabe ba Tribunál atu tetu sirkuntasia sira tuir artigu 56 Nu.1 alinea B. No relasaun ho objetu aprendidu sira husu Tribunál atu afavor ba estadu.
Aliende ne’e iha alegasaun parte defeza ba arguidu USN husu Tribunál liberta nia kliente husi krime ne’ebé MP imputa ba arguidu nain-rua, no bainhira Tribunál haree karik iha provas sufisiente aplika pena justu ba sira.
Nomos Defeza ba arguidu SPD no DV husu atu foti desizaun tuir proporsional nune’e husu Tribunál atu tetu no hatuur Justisa tuir prova ne’ebé nia kliente sira hato’o.
Defeza ba arguidu FJFDS, Arguidu DdSFF no AJFdS husu Tribunál atu absolve arguidu sira husi krime Burla informatika, no Asosiasaun Kriminoza
Defeza ba arguidu MU husu Tribunál atu deside tuir konviksaun Tribunál nia, hodi aplika pena ne’ebé justu no adekuadu, karik bele absolve nia kliente husi krime Brankeamentu kapitais no Asosiasaun Kriminoza ne’e bele aplika pena adekuadu ba nia kliente.
Defeza ba arguidu NFNP no FCCO Defensor Públiku husu Tribunál atu absolve nia asistidu nain-rua. Tanba, sira nain-rua ne’e la priense ba elementu krime Asosiasaun Kriminoza, Brankeamentu kapitais no Burla informatika.
No Defeza ba arguidu BFdS Advogadu Privadu husu Tribunál absolve nia kliente hosi krime ne’ebé MP imputa ba arguidu, arguidu hala’o negosiu no kona-ba osan ne’e arguidu hein uza de’it no osan mai husi ne’ebé arguidu la hatene.
Hafoin rona tiha alegasaun MP no parte Defeza Tribunál deside muda ba loron 31, fulan Jullu tinan ne’e ho Oras tuku 5 loraik hodi rona desizaun ikus.
Aprezenta Akuzasaun
Tuir akuzasaun katak arguidu USN ho DV ho naturalidade hosi Nasaun Nigeria no sira hela iha Jakarta-Indonézia no arguidu USN , sai ona sidadaun Indonézia, arguidu MU ho SPPD hosi Flores-Indonézia enkuantu arguidu sira seluk nu’udar Timor-oan.
Konforme informasaun istória viajen hósi Servisu Migrasaun Dili, Timor-Leste, arguidu USN no arguidu DV sempre tama no sai iha territoriu nasionál maiória atravéz via terrestre Motain, Batugade, hahú hósi fulan Fevereiru 2024 no ultimu iha 24 de Juñu de 2024 no sira nia tikete ho akomodasaun, hetan finansiamentu hosi individu ho naran MIKE iha Jakarta Indonézia.
Hosi arguidu sira nia viajen tama no sai iha territóriu nasionál, konsege rekruta tan arguidu AJFdS, DdSFF no FJFdS, no entre sira sempre mantein ka iha komunikasaun, ikus mai arguidu USN ho DV orienta no fasilita ho fundus $1. 500.00, (dolar amerikanu rihun ida atus lima) ba arguidu FJFdS ho objetivu atu rejistu empreza no loke konta bankária empreza nian iha Timor-Leste, ba fim atividade transférensia fraudulente.
Nune’e, iha loron 11 de Julhu arguidu FJFdS, konsege rejistadu iha Serve empreza ho naran “Six One Comodities Asia, Unipesoal, Lda, ba atividadefiktisiu ekonómika iha área konstrusaun sivil, instalasaun elektrika, no arguidu FJFdS sai nu’udar sósiu úniku no administrador ba empreza refere.
Entertantu, Empreza Six One Commodities Asia, Unip.Lda, estabelese nia konta bankária iha Banku Mandiri, Dili, Timor-Leste, iha loron 12 de Jullu de 2024, ho n.” konta 601-00-0116141-6.
Kuandu empreza referidu estabelese ona, arguidu FJFdS entrega imediatu dokumentu no konta empreza “Six One Comodities Asia, Unipesoal, Lda,” nian ba arguidu DV no USN hodi bele prepara sabotagen komunikasaun por vial e-mail kontra Empreza ENN LNG (Singapura) Pte.Ltd (ENN).
Tranzasaun entre ENN LNG (Singapura) Pte.Ltd no Six One Commodities Asia Pte.Ltd.Enkuantu, Elempreza ENN LNG (Singapura) Pte.Ltd, estabelese nia atividade komérsiu kombustíveis no produtus relasionadu, inklui mós komersializasaun (marketing) no faan gás natural likuefeitu (bai-bain koñesidu ho “LNG” no Six One Comodities Asia Pte. Ltd, nu udar parseiru komersial ENN nian no empreza sira refere ho sede iha Singapura.
Relasiona ho atividade refere, iha loron 19.10.2023, empreza ENN LNG (Singapura) Pte.Ltd no. Six One Comodities Asia Pte.Ltd, estabelese akordu hodi asina kontratu lejítimu fa’an no sosa LNG prinsipal (MSPA) ligadu ho fan no sosa LNG. ENN no Six One Comodities Asia Pte.Ltd, ho data 19.10.2023, ne’ebé deklara katak Six One Comodities Asia Pte.Ltd sei fornese remessas (shipment) LNG ba dala rua ba ENN, iha fulan maiu 2024 no iha fulan jullu 2024.
Fatura original no fatura atualizada.
Bazeia ba MSPA (Master Sale and Purchase Agreement) no Six One Comodities iha intensaun atu fornese ba ENN ba remesa (shipment) data 08 jullu tinan 2024 hosi Seth Hacket Six one Commodities, relasionadu ho fatura original hanesan deskreve iha númeru 10-14 hosi akuzasaun.
Iha fulan-Jullu nian mak 3.469.295 MMBtu LNG, ho total osan ne’ebé ENN tenke selu mak ho montante US$ 42.317.766,55.
Iha loron 07.07.2024, Seth Hackett hósi Six One Comodities (uza enderesu e-mail ingops@61commodities.com) envia e-mail ba Tina hósi ENN (xuvued@enn.cn) (“e-mail orijinal) e-mail ida ne’ebé mak anexa tiha fatura ida ba montante ida ne’e ho nia prazu tempu nian mak 19 jullu 2024 (fatura orijinal).
Iha e-mail orijinal ne’e, Seth Hackett hatama mós kópia enderesu e-mail sira seluk, sethhackett@61 commodities.com. ENN hatene katak enderesu e-mail, sethhackett@61 commodities.com ne’e uza mós hósi Seth Hackett no ida ne’e refletidu iha assinatura (sign-off) e-mail Seth Hackett nian, enderesu e-mail, sethhackett@61 commodities.com ne’e mós regularmente kopiadu tiha iha e-mail ne’ebé enviadu hósi ingops@6Icommodities.com.
Iha loron 8 jullu 2024, Tina hósi ENN (xuvued@enn.cn), envia e-mail ba sethhackett hósi Six One Comodities (ingops@6]commodities.com), ho kópia ba sethhackett@61 comodities.com. hodi husu ba nia katak prazu tempu loloos fatura nian mak tenke loron 22 jullu 2024.
Iha loron 8 jullu 2024-dadersan, Set Hackett hósi Six One Comodities ((ingops@61commodities.com), hato’o kópia ba sethhackett@61 commodities.com. hodi fornese fatura atualizadu ho prazu data lolo’os mak 22 jullu 2024 (fatura atualizadu).
Iha loron 9 jullu 2024, Tina hósi ENN (xuyued@enn.cn) rekoñese fatura atualizada no konfirma katak ENN sei kontinua nafatin halo pagamentu tuir akordu ne’ebé iha, konforme fls 1632-1634, 1658-1662, 1666-1671, 1673 ho 1675-1678 ho 1680-1690.
Tranzasaun falsifikasaun, iha loron 15 jullu tinan 2024, Tina hósi ENN simu e-mail no fatura falsifikadu hósi arguidu sira USN, DV, FJFdS inklui ema ida identifikadu ho naran Mike, relasionadu ho tranzasaun refere ho meius fraude katak ne’e hanesan kontinuasaun ida hodi realiza (follow up) e-mail ho Pro.
Katak E-mail neʼebé envia hósi enderesu e-mail falsifikadu ho naran sethhackett@61 commodities.com anexadu ho fatura falsifikadu.
E-mail falsifikadu ne’ebé envia hósi enderesu e-mail setkhacker@ commodities.com laos enderesu e-mail autorizadu ka lejítimu SIX ONE COMMODITIES nian no e-mail ida ne’e, diferente ho enderesu e-mail real ka orijinál Seth Hackett nian sethhackett @ 6 [commodities.com, tanba iha únika letra ho “i” troka tiha ho letra “I” iha palavra Commodities no iha e-mail refere, assinatura seth Hackett nian mós replikadu.
Aleinde e-mail falsifikadu refere, inklui mós kópia hósi e-mail fiktisia ka falsu sira seluk, neʼebé halo hanesan loloos ho e-mail orijinal Six One Commodities nian. hanesan kellybezas@6lcommodities.com no Ingpos6commodities.com (subtitu letra “i” ba letra “I” iha palavra commodities).
Katak iha e-email falsifikadu ne’e, husu ba Tina hósi ENN atu bele utiliza fatura falsifikadu ne’e hodi halo pagamentu.Katak iha fatura falsifikadu ne’e, altera tiha dadus banku destinatáriu hósi ING BANK N.V, filial Singapura ba fali Bank Mandiri, filial Dili, Timor-Leste, ho númeru konta 601-00-0116141-6. (Konta Banku Mandiri), ne’ebé arguidu USN, DV ho FJFdS kria tiha ona iha Timor-Leste.
Iha fatura orijinal no fatura atualizada, Banku destinatáriu klaramente indikadu hanesan tuir mai.
Banku Korrespondente JPMORGAN CHASE BANK, NEW YORK, SWIFT/CHIPS, CHASSUS33/CHIPS UID 268442. Favoresimentu ING N.V. Filial Singapura (SWIFT:INGBSGSG) BANK, Ba Konta, Six One Commodities Asia Pte. Ltdl Númeru Konta: 011090604406
Iha fatura falsifikadu, ne’ebé altera banku destináriu, Banku Korrespondente JPMORGAN CHASE BANK, NEW YORK, SWIFT/CHIPS : CHASSUS33/021000021.
Favoresimentu Banku Mandiri, filiál Dili, Timor-Leste, ba Konta :Six One Commodities Asia LDA. Númeru Konta: 601-00-0116141-6.
Katak data fatura falsifikadu altera tiha ba 15 jullu 2024 no prazu data tempu nian iha fatura falsifikadu ne’e deklaradu tiha 22 jullu 2024 hodi hamosu impresaun katak ida ne’e tenki forma parte hósi troka e-mail auténtika ho data 7-9 jullu 2024 hanesan deskreve iha númeru 10-14 hósi akuzasaun.
Katak, fatura falsifikadu halo tuir detalles sira seluk hósi fatura orijinál no fatura atualizada hodi halo ida ne’e hanesan original (autêntiku) hanesan tuir mai:
Fatura falsifikadu iha valor devidu hanesan iha fatura orijinál no fatura atualizadu, neʼebé ho montante US$ 42.317.766,55;
Kuantidade fatura (3.469.295 MMBtu) no presu kontratu nian maka (US$ 12,1978 MMBtu) hanesan fatura orijinál no fatura atualizadu.
Detalles remessa (shipment) inklui númeru kargu, naran roo, númeru dokumentu embarke, país no naran portu ba deskarregamentu nian ne’e mós hanesan ho fatura orijinál no fatura atualizadu.
Tanba fatura falsifikadu ne’e altera ona dadus bankáriu benefisiáriu nian, Tina (Xuvued@enn.cn) envia email ba sethackett@6lcommodities.com hodi konfirma katak transferénsia tenke halo ba iha konta Banku Mandiri no Tina mós husu atu fornese Standard Settlement Instruction (SSI), konforme fls 1663-1665 ho 1674.
Iha loron 16 jullu tinan 2024, sethhackett@61commodities.com envia e-mail ida hodi konfirma katak tenke halo transferénsia ba iha konta Banku Mandiri no aneksa tiha SSI falsifikadu.
Standard Settlement Instruction (SSI) falsifikadu ne’e aparentemente emitidu hósi Banku Mandiri, Filiál Dili no asina hósi ninia jerente jerál. ida ne’e mós fornese detalles sira tuir mai.
Banku korrespondente JPMORGAN CHASSE BANK, NEW YORK SWIFT/CHIPS :CHASUS33/021000021.
Favoresimentu: Banku Mandiri, Dili Branch, (SWIFT:BMRIIDJA) ba Konta: Six One Commodities Asia LDA. Númeru Konta :601-00-0116141-6.
Standard Settlement Instruction (SSI) falsifikadu ne’e, deklara tiha empreza falsifikadu ida nu’udar benefisiáriu konta Banku Mandiri. Iha SSI falsifikadu refere, deklaradu tiha katak konta Banku Mandiri ne’e ninia posesaun maka ho naran “Six One Commodities Asia LDA naran kontraparte real no autêntiku nian maka” Six One Commodities Asia Pte.Ltd.
Katak naran empreza falsifikadu refere, diferente ho naran kontraparte autêntiku ne’ebé so ba deit iha ninia dezignasaun ho “LDA” subtitui tiha “Pte Ltd”.
Bazeia ba fatura no Standard Settlement Instruction (SSI) falsifikadu refere inklui manipulasaun dadus neʼebé arguidu USN, DV, FJFdS no ema identifikadu ho naran Mike konsege halo sabotagen ba komunikasaun liu hósi e-mail entre empreza sira iha Singapura, nomeadamente empreza ENN LNG, Pte. Ltd no empreza Six One Comodities Asia, Pte. Ltd.
Ho eskema BEC (Buissnes Email Compromise), sabotagen no manipulasaun ne’ebé deskreve ona iha leten, nune’e, iha loron 19 Jullu 2024, testemuña identifikadu ho naran Gao Shizen, reprezentante hósí empreza ENN LNG, Pte. Ltd, hósi nasaun Singapura, engañadu hodi konsege transfere erradamente osan ho montante USD. 42,317,766,55, mai konta empreza ne’ebé arguidu sira kria ou seja empreza Six One Commodities Asia, Unip, Lda, ho númeru 601-00-0116141-6,, Banku Mandiri sukursal Dili-Timor Leste ho statutu transferidu iha loron hanesan.
Bainhira hetan ona transferénsia fraudelentu, iha loron 22 de Julhu de 2024, haleu 14h10m, arguidu FJFdS, USN, DV, DdSFF no AJFdS, utiliza kareta rua ho marka Toyota Land Cruiser-Prado ho xapa matrikula A.20-308 ho Pajero Sport ho xapa matrikula A. 27-302, no hetan akompañamentu hósi sasin Carlos Dozeno G Lay, Noe Luciano hodi diriji ba iha Banku Mandiri-Dili.
Bainhira to’o iha Banku Mandiri, arguidu FJFdS nu’udar sosiu úniku no mós hanesan administrador empreza Six One Commodities Asia, Unip Lda, através hósi cheque (AAM 915342), ne’ebé legáliza (assina) hósi arguidu FJFdS konsege halo levantamentu osan iha konta empreza Six One Commodities Asia, Unip, Lda, ho montante USD 3.000,000,00.
Hafoin de arguidu FJFdS halo levantamentu, ba osan ho refere, arguidu sira konsege guarda iha saku ho kuantidade 3, no konsege transporta ho veikułu ho marka Mitsubishi Pajero, koor mutin, ho númeru mátrikula A. 27-302 TL no kondus hosi arguidu DdSFF no sira konsege kombina malu hodi han kalan hamutuk iha restaurante situada iha área Kristu Rei, ho obejtivu atu halo sirkulasaun hosi produtu ka bens ilísitu refere.
Depois de arguidu sira han kalan, arguidu VD konsege entrega osan ho montante USD, 100,000,00, ba arguidu sira FJFdS, AJFdS no DdSFF atu sira fahe ba malu, $.50.000,00 ba arguidu DdSFF enkuantu $.50.000,00 ba arguidu FJFdS, AJFdS.
Enkuantu arguidu SPD no MU hetan orientasaun hosi ema ne’ebé ho identifikadu “X/ Mas Bro” iha orientasaun refere, Mas Bro haruka arguidu sira atu bele mai iha Timor-Leste hodi foti osan ne’ebé halo tiha ona levantamentu hanesan deskreve tiha iha leten no Mas Bro promote sei fo ba arguidu sira kada ema ho montante $.5000.00 no total $.10.000,00.
Bazeia ba Orientasaun refere, iha loron 23 Jullu 2024, arguidu sira mai Dili. Timor-Leste através pontu entrada Mota-ain, Batugade no bainhira tama ona iha Territóriu Timor Leste, arguidu SPD konsege telefoni ba arguidu FCCO
atu aluga veikulu hodi transporta arguidu SPD no MU hosi Batugade ba mai Dili ho montante USD. 1,500,00, no arguidu FCCO konsege buka veikulu aluguer no konsege hetan veíkulu ho marka Mazda Demio, númeru matrikula B. 11-738.
Iha loron 24 de Jullu de 2024, kuandu arguidu sira to’o iha Dili, mais ou menuz haleu 18h00, arguidu SPD kontaktu através via telemóvel ba arguidu NFNP hodi fo permiti ba arguidu atu entrega NFNP nia númeru telemóvel ba DV, hodi foti osan iha DV, ho nune’e NFNP konsege aseita hodi fo autorizasaun ba arguidu SPD entrega NFNP nia númeru telemóvel ba DV.
Iha loron hanesan, DV konsege kontaktu ba NFNP hodi kombina atu hasoru malu iha diresaun Quartel General, Hudi Laran, Bairo-Pite Dili, nune’e haleu 19h:30, DV konsege hasoru malu ho Nicolau iha Hudi Laran, Bairo-pite, hodi entrega osan iha pasta metan ida ba Nicolau ho montante USD. 150,000,00.
Iha loron tuir mai, arguidu SPD kontaktu ba NFNP hodi husu tuir osan refere, nune’e haleu 18h;30 NFNP konsege lori osan kompletamente iha pasta refere hodi entrega ba arguidu SPD iha Otel Pioner.
Hafoin Osan ho montante USD. 150,000,00 iha arguidu SPD no MU nia pose, entertantu konsege kombina ho arguidu FCCO atu utiliza nia empreza Elegovers, Unip, Ida, hodi transfere osan ba iha Indonézia.
Katak montante ne’ebé arguidu sira konsege halo transferensia ba nasaun Indonézia. hanesan tuir mai, iha loron 23.07.2024, arguidu USN, halo transferénsia numeráriu dala rua ba Indonézia liu hósi BRI Sukursál Timor-Leste, transferénsia dahuluk ho montante $45.000.00 ba benefisiáriu Edom Sunday Udoka, ho númeru konta bankária 118401021929505 iha BRI-Indonézia no transferensia daruak ho montante $ 80,000.00 ba benefisiáriu Marsivanti ho númeru 045223072024122149 iha BRI Indonézia, tuir mai arguidu USN orienta tan individu ida ho naran Etik Prastika hodi fasilita transferénsia tan osan ho montante $8,500.00 ba benefisiariu (rede arguidu sira nian) ho naran Edom Sunday Udoka liu hósi nia konta bankáriu; 118401021929505-BRI-Indonézia.
Ikus mai iha loron 24.07.2024, arguidu USB, halo tan transferénsia numeráriu dala-rua ba Indonézia, liu hósi BRI Sukursal Timor- Leste, ho transferensia dahuluk ho montante $ 75.000.00 ba benefisiáriu Edom Sunday Udoka, númeru konta bankária 118401021929505 iha BRI-Indonézia no transferénsia daruak ho montante $ 125,000.00 ba arguidu nia konta rasik ho númeru 119301000267563 iha BRI Indonézia.
No iha loron 26.07.2024, arguidu FFCO , hetan orientasaun hosi arguidu SPD hodi fasilita halo transferénsia osan ho montante $30.000.00, destinadu ba iha Flores-Indonézia ba individu ida ho naran Rahman Bunga ho númeru konta 162-340-712-6-BNI (Bank Nasiona Indonesia).
Total Transferensia ba Nasaun Indonézia ho versaun hanesan tabela tuir mai: data
Arguidu neʼebé halo tranferensia montante transferensia, ba númeru konta, benefisiariu 23.07.2024, USN, $45.000.00, 118401021929505 BRI-Indonézia, NoEdom Sunday Udoka, 23.07.2024. Arguidu USN $80,000.00, BRI Indonézia 045223072024122149, Marsivanti 23.07.2024. Etika prastika $8,500.00, 118401021929505-BRI-Indonézia. Edom Sunday Udoka 24.07.2024. Arguidu USN, $75.000,00, 118401021929505 BRI-Indonézia. Edom Sunday Udoka, 24.07.2024. Arguidu USN $ 125.000.00, 119301000267563 BRI Indonézia. Arguidu USN 26.07:2024. Arguidu SPD, $30,000.00,
162-340-712-6-BNI-Flores-Indonézia Rahman Bunga
Iha loron 30.07.2024, iha primeiru Interrogatóriu Judisial, arguidu sira prontu atu devolve osan no liu hósi advogadu, rekere ba Tribunal atu foti objetu krime ka osan neʼebé arguidu FJFdS, DdSFF no AJFdS, rai iha sira nia uma iha Fomento no suku Dato, Munisipiu Likisa no pedidu refere, hetan deferimentu hosi Tribunal.
Nune’e, Tribunal deside hodi diriji ba iha Likisa, hodi foti osan ne’ebé arguidu FJFdS ho AJFdS rai subar iha uma hafoin foti tiha ekipa ho arguidu sira, kontinua fila mai Dili no diriji kedas ba iha arguidu DDSFF nia uma ne’ebé situada iha Fomento-Dili hodi foti osan.
Bainhira Ekipa hósi Tribunal ho arguidu sira to’o iha Fomento-Dili, PSIK hetan kontaktu hósi servisu informasaun Likisa nian katak arguidu BFdS hosi arguidu FJFdS ho AJFdS lori pasta kor metan ida nakonu ho osan neʼebé halo parte hósi levantamentu antes no halai ba ailaran maizumenus ho distansia metro 500 hósi nia uma, nune’e servisu informasaun no komunidade sira asegura kedas arguidu iha fatin akontesimentu, konforme fls 374-376, ho informasaun refere, PSIK diretamente ba iha fatin akontesimentu hodi halo kedas aprensaun ba osan ho montante $.28,450.00.
Nune’e montante ne’ebé PSIK (Polísia Sientifika Investigasaun Kriminal) ho PNTL konsege halo apreensaun hósi arguidu sira, nia posse osan ho total $2.491.170 mune e montante ne’ebé la-konsege identifika nia paradeiru ho montante 5.145, 330,00 (dolar amerikanu rihun atus ida hat nolu resin lima atus tolu, tolu nolu) no fundus ne’ebé nia paradeiru iha Indonézia ho montante $.363.500,00 (dolar amerikanu rihun autus tolu, nen nolu resin tolu autus lima).
Entretantu osan ne’ebé hetan aprensaun no halo tranferensia ba Indonézia hanesan deskreve iha leten, halo parte hósi osan levantantu USD 3.000.000.00, hosi orijin ilisitu ho total montante USD 42,317,766,55.
Konsekuensia nessesariamente hósi arguidu sira nia konduta hanesan deskreve iha leten, hamosu tiha prejuízu patriomonial ba empreza ENN LNG (Singapura) Pte Ltd ho montante 5.508, 830.00 (dolar amerikanu rihun atus lima resin walu, atus walu tolu nolu).
Arguidu USN, DV, FJFdS, DdSFF, AJFdS, MU, SPD, NFNP no FCCO halo sira nia hahalok ne’e, ho fórma livre, deliberada no konsiente, arguidu sira hatene momo’os katak, promove no servisu hamutuk iha rede ka grupu kriminoza, prátika krime hodi hetan diretamente ka indiretamente benefisiu ka vantajen ruma, ne’e, lei bandu, mezmu nune’e, arguidu sira atua nafatin tuir saida maka sira hakarak, arguidu sira mós hatene katak sira nia hahalok ne’e lei bandu no sei hetan kastigu tuir Lei. Arguidu USN, DV no FJFdS, halo sira nia hahalok ne’e, ho förma livre, deliberada no konsiente, arguidu sira hatene momos katak, kria empreza fiktisiu ou seja Six One Commodities Asia, Unip. Lda, inklui númeru konta empreza nian (6010001161410, Banku Mandiri
Sukursal Dili-Timor-Leste no hafoin ida ne’e, hamutuk ho Mike halo eskema BEC (Business email compromise) ka halo fraude iha komunikasaun e-mail falsifikadu ka interfere dadus informátiku hodi kontra empreza lejitimu nia hakarak, hodi hetan konsumasaun ba fraude hodi simu transferensia no ikus mai halo levantamentu ba fundus ne’ebé tama iha sira nia konta no hamosu prejuizu patrimoniál ba empreza ENN LNG (Singapura) Pte.Ltd (ENN) lei bandu no sei hetan kastigu, mezmu nune’e, arguidu sira atua nafatin tuir saida maka sira hakarak.
Arguidu USN, DV, FJFdS, DdSFF, AJFdS, MU, SPD, NFNP, FCCO no BFdS, halo sira nia hahalok ne’e, ho forma livre, deliberada no konsiente, arguidu sira hatene momo’os katak, halo levantamentu ba osan $3.000,000 neʼebé mai hósi provimentu krime nian no laos sira nia direitu no halo sirkulasaun hodi fahe ba malu, halo transferénsia Internasional, okulta ka disimula, hodi benefisiu ba sira nia-an no ema seluk, hodi fo prejuizu ba empreza Empreza ENN LNG (Singapura) Pte Ltd (ENN, lei bandu, mezmu nune’e, arguidu sira atua nafatin tuir saida maka sira hakarak, arguidu sira mós hatene katak nia hahalok ne’e lei bandu no sei hetan kastigu tuir Lei.
Tanba ne’e, konstitui arguidu USN, DV, FJFdS, DdSFF, AJFdS, MU,SPD, NFNP no FCCO, nu’udar ko-autór materiál ho fórma konsurnada ba krime Asosiasaun Kriminoza, previstu no punídu tuir art. 188 n 2 ho 3 hósi Kódigu Penál.
Konstitui arguidu USN, DV, FJFdS, nu’udar ko-autor materiál ho forma konsumada ba krime Burla Informátika Agravada, previstu no punidu tuir art 269 hósi Kódigu Penál, konjuga ho artigu 30 Nu. 2 hósi Diploma. Hanesan. Konstitui arguidu USN, DV, FJFdS, DdSFF, AJFdS, MU, SPD, NFNP, FCCO no BFdS, nu’udar ko-autór materiál ho forma tentatadu ba krime Brankeamentu Kapital, previstu no punidu tuir art 313 n 1 hósi Kódīgu Penál- konjuga ho artigu 30 n 2 hósi Diploma Hanesan no Lei 13/2005 ne’ebé altera ba Lei n 17/2011 kona-ba rejime Juridiku ba prevensaun no kombate Brankamentu Kapitais no Finansiamentu Terorismu.
Iha Audensia julgamentu ne’e prezide hosi Juiz kolektiva, Fransisca Cabral, José Escurial no no Juiz Estajiariu, Ministériu Públiku reprezenta Prokurador nain-rua, João Marquez no Rafael Gusmão, arguidu nain-10 hetan asistensia legal Defensor Públiku no Advogadu privadu hamutuk nain-8.
Jornalista : Octaviana Costa
