DiliPost.com- Porta Voz Polisia Nasional Timor Leste (PNTL) Superintendente Xefe Polísia João Belo dos Reis informa, iha sábadu kalan (26/07), halo desmantelasaun Scam Call Center ida iha Hotel WL Word área Krisu Rei, iha operasaun ne’e detekta ema hamutuk 30 kompostu husi Sidadaun Xineza nain- 29 no nain 1 husi Laos.
“Agora sira nain hira nee iha sela detensaun parte Comoro nian no oras ida ita sei aprezenta ba Tribunal,” dehan Portavoz PNTL ne’e liu husi konferénsia Imprensa iha Kuartel Jeral PNTL Kaicoli Dili, Tersa-feira (28/07/2026).
Aleinde ne’e, nia haktuir horkalan mós ekipa Servisu Migrasaun hamkuutuk ho DSIK halo tan operasaun iha parte Comoro ne’ebé deskonfia fatin halo scam call Centre.
“Ita kaer sidadaun estranjeriu hamutuk nain-62 neebe kompostu husi sidadaun Indonezia nain-28, Sidadaun Xina hamutuk 33 no Sidadaun India nain-1, ” tenik João.
Nia hatutan sidadaun hirak ne’e dadaun DSIK halo hela prosesu indentifikasaun no iha tempu badak sei aprezenta ba iha Ministériu Públiku.
Tan ne’e Komadu Jerál liubusi Porta voz PNTL apela ba komunidade sira katak Seguransa no Defeza Timor-Leste demostra ona ba komunidade ita nia determinasaun atu proteze ita nia sobrania nasional ordem publika no Bens estar timor nian.
Jogu online Scam Call Center sai ona forma modernu sufistikadu husi kriminidade neebe esplora konfiansa espransa no dala barak vulnerabilidade ba ema nia.
“Vitima husi frau ida nee lakon sira nia ekonomu sira nia diginidade iha kazu balu sira mos saude mental” nia adianta.
PNTL mós la permite Timor Leste hanesan plataforma ba atividade freleratoriu ida nee, aleinde ne’e PNTL kontinua komprimitidu fo misaun atu servi no protese sidadaun sira.
Mensajem ba redi Krime internasional Timor-leste laos rai neebe mak seguru ba sira atu halo operasaun ba atividade krime ida nee.
“Ema neebe mak tenta atu uza teritoriu no tasi ba espasu dijital ba sira nia atividade ilijitu sira ita sei halo resposta neebe mak firmi kornenada no aplikavel ho ita nia Forsa seguransa sira.” nia sublina.
PNTL mós apela ba sidadaun sira atu mantein Vizilante atu halo denunsia kualker atividade neebe mak suspeita ba iha indikasaun krime nian iha eskudra neebe mak besik, nunka atu trasmite dadus pesoal kodigu Banku nian ka osan ba ema neebe mak ita la hatene ou ema neebe mak ita la konese iha Internet.
Iha biban ne’e, Porta Voz ne’e mós Agradese ba instiruisaun parseiru sira hanesan Servisu Imigrasaun, Servisu Informasaun, Autoeidade Maritima, Falentil Forsa Defeza Timor-Leste (F-FDTL), Autoridade Arenai ba servisu diak tomak no kordenasaun neebe halo ona hodi responde ba krime Trasnasional sira iha rai laran.
Jornalista : Octaviana Costa
