DiliPost.com – Ministeriu Edukasaun (ME) la preokupa ho asaun Professor Kontratadu (PK) sira ne’ebe halao manifestasaun ejize sira nia direitu.
Ligadu ho pozisaun ME ne’ebe lidera husi Ministra Dulce de Jesus Soares la kontinua kontratu PK tanba kontratu remata, maiske iha PK balun halao knar hanesan manorin nain iha eskola kuaze tinan barak.
Hafoin PK kontratu remata iha fulan hirak liu ba kotuk Governu da sia atraves ME fo sai katak PK sira tenke kompete ba vaga refere.
Ho desizaun ME ne’e maioria PK iha Munisipiu sira ladun konkorda ho politika governu da sia nian.
Ho nune’e, PK sira mobiliza malu konserta iha Kapital Dili halo manifestasaun kauze semana rua nia laran la hetan solusaun.
PK nafatin ejize sira nia direitu bainhira laiha solusaun husi ME ba ejizensia ne’ebe durante sira halo liu husi manifestasaun,hodi husu ba iha ME atu estende sira nia kontratu no foti sira sai funsionariu permanente.
Iha intervista ho portavos PK, Elizario Soares Bareto informa katak sira nafatin mai iha ME hodi konfirma karta ne’ebe fo husi,provedoria Direitus Humanus e Justica (PDHJ) ba ME atu rezolve problema PK iha dentru de 30 dias karik la responde maka sira nafatin ejize to’o hetan nia rezultadu.
“Ohin mai parte seguransa la fo tama ami razaun dehan,parte ME hatan ona karta ne’ebe maka fo husi PDHJ nian,no haruka ami ba husu direita iha PDHJ. Maibe, ami seidauk bele fiar tanba seidauk rona rasik husi Parte Ministra ou funsionario sira balun hodi bele ba hato’o iha PDHJ,”dehan Elizario ba Jornalista iha ME vila-Verde Dili ,Kinta feira ne’e.
Nia mos haktuir kona ba kontidiu karta ne’ebe mai husi PDHJ ba ME ne’e husu ba iha Ministra Edukasaun hahu husi loron 17 to’o loron 17 fulan Fevereiru,atu rezolve profesores kontratadu,iha dentru 30 dias.
“Ami ba iha PDHJ fo notifikasaun ba ami dala rua ona,no dehan ami lori kazu ne’e ba rezolve iha ME atu konfirma no parte Edukasaun tenke rezolve iha loron 30,karik laiha solusaun ou ME fo liafuan ruma karik ami sei fo hatene fali sira iha PDHJ, maibe agora laiha liafuan ruma husi ME saida maka ami bele hato ba iha PDHJ konaba kontidu karta ne’e,”tenik Elizario.
Nia hatutan asaun ne’ebe sira halo lapresiza halo karta husu autorizasaun ba iha Polisia ou autoridade seguransa tanba,sira laos atu halo manifestasaun ruma. Maibe, sira mai halo konfirmasaun deit ba karta ne’ebe maka PDHJ fo ba iha ME.
“Ami mai halo konfirmasaun deit. Mais, ami agradese tanba parte seguransa nafatin fo seguransa ba ami atu,bele asegura nafatin hodi labele mosu buat ne’ebe maka ita la espera bele akontese”hakotu nia. (AL)
