DiliPost.com- Relasióna ho falesimentu Prezidente Partidu Fretilin Saudozu Francisco Guterres Lu Olo mak Sekretáriu Jerál Partidu Fretilin, Marí Alkatiri infroma katak sei deside Prezidente foun liu husi Komité Central Fretilin (CCF).
“Ne’e la’ós ha’u nia desizaun ona, Fretilin iha kongresu Komité Central, Komisaun Polítika Nasionál,” dehan Alkatiri liu husi konferénsia imprensa iha rezidénsia Saudozu Francisco Guterres Lu Olo , Kuarta feira (24/06) Faról-Dili.
Sekretáriu Jerál Fretilin hatutan, Komisaun Polítika Nasionál nia mak Prezidente, primeiru orgaun ne’ebé nia mak konvoka Komisaun Polítika Nasionál.
Tan ne’e, nia dehan Komisaun Polítika Nasionál mak sei deside, atu la’o ba oin ne’e halo nusa. La’ós Sekretáriu Jerál Partidu Fretilin mak dehan fali atu halo nusa.
Bainhira dezafiu boot liu ezije ba sira determinasaun boot liu, bainhira dezafiu kiik, advezes sai tiha halo buat ne’e biasa tiha de’it. Tanba, dezafiu agora boot tebes.
“Ita bainhira ko’alia linguazen relijiozu halo konversaun ita nia terus, ita nia susar. Ha’u hanoin militante sira depois orientasaun mais ha’u nia apelu ba militante atu loke aan, atu loke sira nia neon, loke sira nia votande tomak atu hakuak ema hotu,’’afirma Mari.
Aliende ne’e nia dehan ba oin bainhira hamutuk foti fila-fali hatun kiak ho mukit, hamoos mataben povu nian, hamutuk fila fali atu foti kauza ida, kauza ne’e mak atu kore povu husi mukit, kiak, ne’e para kauza komum nune’e ema hotu bele servisu hamutuk.
“Ami husi 1974-1975 ne’e bele husik buat ruma pozitivu, buat ruma ne’ebé jerasaun tuir mai banati tuir, atu hadia tan,” Alkatiri konklui.
Entretantu, Saudozu Prezidente Partidu Fretilin, Francisco Guterres ‘Lu Olo’ hakotu is iha loron 21 fulan Juñu 2026 tinan iha Hospitál Malázia.(ercia)
