DíliPost.Com- Organizasaun Joventude Partidu Kmanek Haburas Unidade Nasional Timor Oan (OJP-KHUNTO),Lamenta Ho Deklarasaun Deputada Olinda Guteres nian ,Foin lalais ne’e iha Uma Fukun Parlamentu (PN),ne’ebé Defama Konseleiro Maxímu Partidu KHUNTO José dos santos “Naimori Bucar ” Ho liafuan Maupagador tan deit halo Mudansa Ba Xefi Bankada KHUNTO nian Iha Parlamentu Nasional.
Polemika Entre Deputada Olinda Guteres ho Konseleiru Maxímu Partidu KHUNTO José dos santos Naimori Bucar, Relasiona Ho Karta subsitituisaun ne’ebe Diriji husi Konseleiru Maxímu ba Prezidente Parlamentu Nasional Maria Fernanda lay, Hodi Subtitui Olinda Guteres husi Xefi Bankada KHUNTO.
Ho Razaun hirak ne’e hotu ,Ikus Mai Deputada Olinda Guteres ne’ebé eleita ba Tur iha Parlamentu Nasional Liu husi Successo Partidu KHUNTO nian, Tula fali ibun hasoru nia Konseleiru Maxímu rasik.
Tanba ne’e mak Orgazisaun Joventude Partidu KHUNTO, konsidera Deputada Olinda Guteres laiha Maturidade Politika no Inkapasdade hodi Reprejenta partidu KHUNTO iha Parlamentu Nasional.
“Ami husu Konseleiru Maxímu José dos Naimori Bucar atu Demite Deputada Olinda Guteres husi KHUNTO ,Ami mos husu ba Juridiku Partidu KHUNTO atu halo Analiza Klean ba Deklarasaun Deputada Olinda Guteres nian ne’ebe halo Viola Regras no Estatutu Partidu. ” Lamenta Vice Presidente OJP KHUNTO Mario de Oliveira liu husi Komferensia Imprensa iha Sede Partidu KHUNTO Manleu Kinta ne’e (15/2).
Organizasaun Joventude Partidu KHUNTO Konta tuir ,Wainhira Olinda Guteres Hetan Konfiansa Husi Lider Supremu KHUNTO no Prezidente KHUNTO iha Lijislatura (V), no (VI), Hodi Sai Deputada KHUNTO ba iha Parlamentu Nasional, maibe Ikus fali mai Nega total no Du’un Matak José dos santos Naimori Bucar no Deklara tan katak Nia Mak Fundadora ba KHUNTO.
OJP KHUNTO mós Lamenta ho Deklarasaun Deputada Olinda Guteres nian ne’ebe hatete Konseleiru Maxímu Partidu KHUNTO José dos santos Naimori Bucar ne’e ,Organizasaun Artemarsiais Kmanek Oan Rai Klaran (KORK), mak Koinese no Deputada Olinda Guteres ne’e Povu mak Koinese.
“Atu dehan lolos karik iha 21 Novembru 2015 Olinda Guteres la hetan Konfiansa husi kongresista sira,maibe Konseleiru ho Fuan bo’ot mak Nomeia Direitamente nia sai III Vice Presidente,iha altura ne’eba ikus mai sai Deputada ,tan ne’e mak ami Konsidera nia Deklarasaun ne’e Falsa.” Deklara OJP.
Ho Polemika entre Deputada Olinda Guteres no Konseleiru Maxímu Partidu ,Organizasaun Joventude Partidu Kmanek Haburas Unidade Nasional Timor Oan, Apela ba Militantes no Simpatizantes sira iha Timor Leste atu mantein Nafatin Pas no Estabilidade Nune’e bele Kontribui ba Desenvolvimentu Nasaun nian no Moris diak povu nian.
OJP mos Apela ba Estruta partidu KHUNTO iha Munisípiu 13 no Rejiaun Administrativu Espesial Oekusi Ambeno (RAEOA),atu hamrik hodi Defende nafatin Partidu KHUNTO, ho Deklarasaun Falsu sira ne’ebe Deputada Olinda Guteres fo sai Ba Publiku.
Jornalista :Javelino Da Silva
