DiliPost.com – Kazu buska iha Otel Bintang Lima Oe-upo Rejiaun Administrativa Espesiál Oekusi-Ambenu(RAEOA) Advogadu Privadu Octavio Cardoso Konsidera Desizaun la Bazeia ba Lei Kodigo Penal Timor-Leste , Molok Aprezenta Arguido sira ba Tribunal.
Nune’e Ministeriu Publiku (MP) ho Polísia Sientifika Investigasaun Kriminal (PSIK) Tenki Asegura Arguido sira Iha Sela Detensaun Durante Oras 72.
“La aturiza atu ha’u divulga rezultadu Primeiro interogatoriu, iha obrigasaun ami nia tenke asegura segredu justisa, portantu ida ne’e seidauk hateten katak arguido sira ne’ebé mak aprezenta mai iha ne’e sai hanesan maksalak maibé atu hateten de’it katak iha indisius nia iha direitu hanesan inosente ne’ebé mak lei asegura”, dehan advogadu privadu ne’e ba jornalista sira iha Tribunal Oe-Cusse, Kinta feira (28/8).
Advogadu Octaviano afirma relasiona arguido sira ne’ebé aprezenta iha Tribunal Distrital Oe-Cusse ida ne’e kona-ba rezultadu ba iha medida koasaun ne’ebé mak lao ohin seidauk hatene so aban despaisu tribunal, seidauk iha despaisu medida koasaun.
“Normalmente iha lapsu barak katak arguido sira ne’e asegura de’it iha sira nia rezidensia labele hetan liberdade sai husi ne’ebá to’o lori de’it mai iha prosesu Primeiro interogatoriu, durante iha ne’e loron hira ita bo’ot sira hatene akompanha sira la mai iha sela detensaun. Se lori sira ba sela detensaun mekanisnu seluk ne’ebé mak uja ha’u lahatene, mais lolo’os ne’e iha inisiu kedas aprezenta ema mai iha Tribunal tenke tau iha sela detensaun”, nia esplika.
Advogadu ne’e fó razaun katak ohin haree rasik arguido sira ne’e ba iha sela detensaun mais kalan ida de’it tuir loloos ne’e 72 horas ne’e iha tiha ona sela detensaun molok mai aprezenta iha tribunal ne’e. lahatene maneira servisu husi parte PSIK no MP oinsa? bele ba komfirma sira, serake ida ne’e kodigu normal ne’ebé mak durante lao ka lae.
Jornalista : Azacsi Quintão
