DiliPost.com–Trabalador timor oan ne’ebe ba servisu iha Portugal halo asaltu ba malu rejulta nain lima (5) kanek todan no ida (1) mate.
Konfrontu ne’e akontese loron Domingu (2/04) dader majumenus tuku 1: 15 iha sidade Fatima Portugal.
Ho akontesementu ne’e Inspetór Xefe Polísia Judisiária Portugal, identifika kona-ba kazu asaltu malu entre timor-oan iha fatima Portugal rezulta timor oan ida mate ho naran DR moris iha TulaTaqueu, Aileu iha 1 de Dezembru 1998 dadaun ne’e prosesa ba autópsia.
Aliende ne’e Inspetór Xefe Polísia Judisiária mos haktuir asaltu malun involve timor-oan hamutuk ema nain tolu nolu resin ne’ebe mai husi Setubal, Evora no Lisboa.
Tuir dadus ema na’in-5 kanek todan, na’in-ida agora alta e fila ba Glândula, Setúbal.
Inspetór Xefe Polísia Judisiária ne’e hatete, sira seidauk bele vizita vítima sira tanba sei halo hela tratamentu iha sala emerjénsia.
Nune’e mos asistente komandante bombeiros voluntários de Fátima Andre Mauricio relata katak konfrontu entre joven
envolve mane sira maioria tinan 20 to’o 30, rezulta mate ida, kanek todan nain 5 no kanek ki’ik ida.
“Mate ne’e konfirma iha fatin emerjénsia sira lori ba Institutu Medisina Juridika iha Tomar, no kanek sira lori ba ospitál iha Leiria,” haktuir Andre.
Entertantu tuir informasaun akontesementu ne’e involve husi grupu arte-marsiál PSHT no ritual 77. (**)
