DILI Post-Prezidente Partidu Kmanek Haburas Unidade Nasional Timor Oan (KHUNTO), Armanda Berita dos Santos no Konseleiru Maxímu José dos Santos Naimori Bukar Deskonfia Komete iha Má-Administrasaun iha nia Partidu KHUNTO Rasik.
Tan ne’e iha Sesta Loron 5 Fulan April , Lider Nainrua husi Partidu KHUNTO ne’e, Hakat ba Presta Deklarasaun iha Polísia Sientifika Investigasaun Kriminál (PCIC, sigla portugés) ba kazu ne’ebé Deskonfia komete mál-administrasaun.
Prezidente no Konsulleiru másimu partidu KHUNTO Ne’ebé Akompanha husi Kuadrus Partidu Balun to’o iha Edifisiu PCIC Kaikoli iha tuku 9:00 dader ho kareta JEP ho xapa martikula A 27.791.
Hafoin Kontinua Kedas ba Presta Deklarasaun, iha Ne’ebé, Prezidente no Konsulleiru KHUNTO tama uluk iha sala identinfikasaun hodi prosede ba identinfikasaun durante oras ida, hafoin ida ne’e, Investigadór PCIC kontinua lori líder partidu KHUNTO nain rua ne’e ba sala identifikasaun Judisiaria PCIC hodi kontinua ba identifikasaun iha minutu 30 nia laran.
Hafoin remata identifikasaun iha sala identifikasaun judisiariu, líder supremu partidu KHUNTO nain rua mai fase kedan liman iha fatin fase ne’ebé monta iha sala identifikasaun judisiaria PCIC nia oin.
Husi ne’e Jornalista sira ne’ebé Destaka iha Area Seguransa nian hakbesik hodi Husu ba Konseleiru Maxímu Partidu KHUNTO José dos santos, Maibe Lakoi Esplika Klaru liga ho Prezenza iha PCIC.
Maibe Konsulleiru másimu Partidu KHUNTO ne’e Hatete deit mai iha edifisiu PCIC ne’e ho objetivu atu koopera ho justisa liga ho kazu má administrasaun.
“Ami mai iha ne’e tanba atu kontribui ho justisa liga ho kazu má administrasaun nian”, José dos Santos Naimori Bukar hafoin remata presta deklarasaun iha PCIC sesta ne’e.
Líder Supremu partidu KHUNTO ne’e la sita klean kona-ba kazu má administrasaun relasaun ho saida tanba ne’e segredu justisa.
Iha Fatin hanesan mós Defeza hosi líder supremu no Prezidente KHUNTO Armanda Berta dos Santos nia Advogadu Privadu, Arnaldo da Costa Lopes hatete, Prezensa Líder Supremu Partidu KHUNTO nain rua mai iha PCIC hanesan sidadaun atu kolabora ho justisa atu mai presta deklarasaun.
“Hanesan sidadaun ita lori sira mai atu presta deklarasaun, maibé entermus ba kazu saida ita seidauk hatene, karik akuzasaun hosi Ministeriu Públiku mak ita foin tanba ne’e sei segredu justisa”, nia afirma.
Nia dehan, hanesan Advogadu ne’ebé fó asistensia ba líder supremu partidu KHUNTO seidauk bele ko’alia buat ruma tan ne’e husik prosesu justisa la’o mak hare’e tanba kazu ne’e segredu justisa.(Octa)
