DiliPost.com-Tribunal Judisial Primeira Instansia Dili (TJPID), foin lalais ne’e, hala’o Julgamentu ba arguida ho inisial PdJ tanba komete Krimi ofendidu AES hanesan nia la’en. Bainhira rezolve iha familia uma laran nu’udar bikan no kanuru tohar, maibe ideia la simu malun. Maski, nu’udar maun-alin dada malun ba Tribunal.
Tu’ir, akuzasaun ne’ebé Tribunal singular lee sa’i, ofendidu AES moris hamutuk hanesan fe’en ho la’en ho arguida PdJ, iha tinan 2009, seidauk iha oan no Ekonomikamente dependênsia ba ofendidu.
Iha loron (19/12/2024), hale’u tuku 11:00 Otl. Iha Aldeia Alto Ospital-Dili, argudia PdJ foti xavi roda hodi baku dala ida iha ofendidu nia kaba’as parte loos, tu’ir fali arguida foti fatuk ida hodi tuda kona iha ofendidu nia ain ruin sorin loos. Tu’ir, fali arguida foti tudik modo nian iha dapur la’en atu sona ofendidu, mak ofendidu foti mangeira metan hodi tuda kona arguida nia reintos mak arguida foin para.
Tratamentu
Konsikuensia direta husi arguida ninia hahalok ofendidu hetan moras, bubu no kanek iha kaba’as parte karuk ho ain ruin parte karuk. Ofendidu ba halo tratamentu iha Sentru Saúde Vera Cruz.
Kauza husi problema ne’e, uainhira arguida sira rezolve sira nia problema uma laran entre maun alin sira, arguida akuza fali ofendidu mak sa’i autor ba problema ne’e, nia hu’un.
Xavi
Arguida PdJ halo ho forma livre deliberada no konsientemente hatene, foti xavi roda hodi baku dala-1 iha ofendidu nia kaba’as parte loos, tu’ir fali arguida foti fatuk ida hodi tuda kona iha ofendidu nia ain ruin sorin loos. Tu’ir, fali arguida foti tudik modo nian iha dapur atu sona ofendidu. Nu’udar, meiu ne’ebe aptu hodi hamosu ofensa ba ofendidu nia isin lolon no Saude.
Arguidu hatene, ninia hahalok ne’e, proibi no punidu tu’ir Lei Penal (LP). Tan ne’e, konstitui arguidu PdJ, nu’udar autor material ho forma konsumadu ba pratika Krime Ofensa Integridade Fízika Simples (KOIFS), ho forma Violénsia Doméstika 1, previstu no punidu tu’ir Artigu 145 husi Kódigu Penal (KP), husi Lei Kontra Violénsia Doméstika (LKVD), nu.07/2010, loron 07 fulan Jullu.
Familia
Hatan ba akuzasaun arguida deklara, momentu ne’eba arguida la ka’er tudik modo so nia ko’alia lian maka’as. Arguida haktu’ir, antes dia (19/12), kalan arguida ba rezolve problema familia entre maun ho alin no iha kalan ne’e, arguida nia alin temi mane foun arguida nia la’en ho nune’e, arguida fila ba uma no husu ofendidu katak,”o problema saida ho ha’u nia alin mak alin temi o nia naran,”ofendidu hatan ba rezolve temi o nia problema temi fali ha’u nia naran,”konfesa arguida.
Fatuk
Arguida informa ba Tribunal, iha dia (19), dadersa’en arguida hade’er mai dasa rai ofendidu lori fatuk tuda arguida, maibé lakona ho ida ne’e, arguida foti fatuk tuda fali ba ofendidu.
Maibé, fatuk atu kona ofendidu arguida la hetan. Ho nune’e, ofendidu foti mangeira tuda arguida kona iha arguida nia reintos kanek no ra’an sai. Arguida relata, problema ne’e, liu fulan-1 familia part-2 tu’ur hamutuk rezolve no ofendidu husu dezkulpa ba arguida no nia promete se’i la halo tan problema ho arguida.
Nervozu
Ofendidu AES deklara, antes dia (19), kalan arguida ho ofendidu problema ona tanba arguida ba rezolve problema familia entre maun ho alin fila ba uma arguida ko’alia barak loos ba ofendiado.
Depois dia (19), dader arguida kontinua ko’alia ibun-ibun ba ofendidu tan ne’e, ofendidu nervozu foti kadeira masa-1 riba ba rai. Maibé, arguida kontinua ko’alia no foti xavi ‘Gerobak’ nian-2 baku ofendidu nia kontuk parte loos dala-1 no foti fatuk-1 tuda ofendidu dala-1 kona nia ain parte loos kanek no ra’an sa’i no arguida tama ba dapur laran cok be’e iha buli cok no foti tudik modo atu rona ofendidu, maibé arguida la konsege tanba ofendidu lori mangeira tuda arguida kona nia reintos.
Alegasaun
Rona tiha parte-2 Tribunal husu Ministeriu Publiku (MP), tama ba ninia alegasaun final. Iha alegasaun Prokurador, Napolião da Silva husu ba Tribunal halo Alterasaun Juridiku husi Krimi ofensa integridade fizika simples ho forma VD ba ofensa integridade lesiproka.
Karta
Parte Defeza mos aseita ho MP ninia alegasaun. Arguida husu ba Tribunal halo karta hodi prova katak, ofendidu la bele halo tan nia problema iha futuru. Tribunal responde, kuandu ofendidu halo tan nia hahalok, maibé Tribunal husu ba arguida kuandu lezada halo tan la taka dalan ba arguida atu keixa ba Tribunal.
Rona tiha parte-2 Tribunal adi’a ba dia (13/10/2025), tuku 02:30 hodi rona desizaun. Audiensia Julgamentu ne’e, prezide husi Juiz Singular, Ercilia de Jesus, MP reprezenta husi Prokurador, Napolião da Silva no arguida hetan asistensia legal husi Defensor Publiku (DP), José Maria Guterres.(octa)
