DiliPost.com- Polémika entre Igreja-Governu konaba konstrusaun Estadium Munisipál Dili Governu atu konstrui iha Tasi-Tolu. Nune’e Ministru Justisa (MJ), Sergio da Costa Hornai klarifika, ba públiku Estatutu rai iha Tasi-Tolu.
Tu’ir,”ita Lei lei nú.13/2017 iha ne’eba Artigu define klaru, Artigu 80 Lei ne’e, ko’alia konaba ida ne’ebé dominiu privadu Estadu no públiku Estadu,”konfesa MJ-Sergio Hornai ba Jornalista hafoin enkontru ho PR-Horta iha Palásiu Prezidensiál Bairru-Pite, Tersa-feira (30/09) ne’e.
Dominiu
Nia esplika, rai ne’e, dominiu privadu Estadu ou rai Estadu nian se’i admistra husi Governu tu’ir Lei nú.13/2017). Sertu Lei ne’e, dominiu privadu Estadu, tenke iha klareza-1 loloos rai ne’e, dominiu privadu Estadu.
Pretende no konsiente ba ida ne’eba nune’e, lakohi atu bele rai ne’e, sa’i hanesan terrenu-baldir, presiza dezenvolve objetu nune’e, bele kontribui ba Sosiedade dinámiku liu.
Maibé, tenke prezerva buat balun ne’ebé iha ne’eba kontein buat Kultura, Polítika, Ekonómiku, espiritu, Relijiozu buat hirak ne’e, hotu. “Ita tenke halo buat hirak ne’e, hotu tenke halo. Mais halo ho kompilasaun ida ne’ebé ninia furak liu no la fó perturbasaun ou destroi beleza iha ambiental ne’e, rasik,”katak MJ-Sergio.
Pareser
Entaun,”ita se’i hare’e ida ne’e, mais ha’u hanesan Jurista la bele halo ida ne’e, só ema ne’ebé iha kbi’it atu hare’e bele fó sira ninia pareser ba to’o ida ne’eba,”nia klarifika.
Maibé, konsidera nafatin, Sosiedade ne’e, dinámiku liu neste momentu rai hirak ne’e, Jere husi Governu ou Estadu. Tanba, Governu hanesan Estadu hamri’ik atu bele hala’o Jestaun ba iha rai, tetu ba sirkuntansia hotu, entidade hotu ninia preukupasaun, hili ida ne’ebé ‘Terbaik’ ba komunidade, Sosiedade nune’e, la bele iha konflitu ida ne’e, esensiál liu.
Nia argumenta, pozisaun Governu tanba rai Estadu, Governu administra. Se komunidade afetadu,”ita se’i halo tu’ir medida hirak ne’ebé iha tenke halo dialógu ho Xefi Suku, Offisial Polisia Suku (OPS),”ita nia Lia Na’in sira se’i envolvidu, ne’ebé afetadu ko’alia atu bele fó solusaun ba problema hirak ne’e, nafatin la bele fó konflitu ba komunidade,”re-lembra nia.
Pondera
Teknikamente,”ha’u nia ekipa halo tiha ona levantamentu, mais podeser Uma Kain (UK), lubuk oan ida iha ne’eba, ita konsidera, kuantidade ha’u la dekor, maibé einprinsipiu nafatin pondera nune’e, bele fó solusaun,”nia hateten. Nia reforsa, tanba halo dezenvolvimentu ba povu, sidadaun sira, mais Governu tenke halo servisu.(lx)
