DiliPost.com-Prezidente Repúblika (PR), José Ramos Horta bolu, Ministru Justisa (MJ), Sergio da Costa Hornai hodi, konfirma progresu konaba estabelesimentu Supremu Tribunál Justisa (STJ).
Reuniaun balun ne’ebé PR bolu MJ atu bele hato’o nétik informasaun balun liu-liu progresu sira iha servisu MJ ninian. Relativamente,”ita nia futuru instalasaun TSJ,” informa MJ-Sergio ba Jornalista hafoin enkontru ho PR-Horta iha Palásiu Prezidensiál Bairru-Pite, Tersa-feira (30/09) ne’e.
Rekrutamentu
MJ-Sergio hateten, reuniaun ho PR atu informa estabelesimentu STJ ninia progresu no assuntu ida seluk konaba rekrutamentu ba Juiz, Defensór no Offisiál Justisa ba Xefi Estadu.
Governu ninia ezersisiu halo koordenasaun ho Parlamentu Nasionál (PN), ho Tribunál Rekursu (TR), rasik. Nune’e, ho PR bele hare’e daudaun ona assuntu balun ba iha instalasaun STJ.
Tu’ir, Lei Organizasaun Judisiáriu (LOJ), presiza halo sekuensia hanesan roteru ne’ebé Governu estabelese ona. Hamutuk ho PN, PR, TR rasik saida prepara nune’e, halo hakonu ba iha sekuensia ba instalasaun STJ ne’e,”rasik ohin ha’u mai hato’o hela ida ne’e. Nune’e, oinsá bele reforsa seitór Justisa servisu ba alargamentu servisu ida ne’ebé iha Administrasaun Seitór Justisa (ASJ), ninian,”tenik MJ-Sergio.
Importansia
MJ ta’u importánsia ba iha ne’eba, liu-liu ba rekrutamentu Juiz, Prokuradór, Defensór, Advogadu, Offisiais Justisa. Nune’e,”ba ita ninia Orgaun Polísia Kriminál (OPK), sira ninia servisu ne’ebé Estadu tenke importánsia maka’as ba iha servisu hirak ne’e,”dehan nia.
MJ-Sergio argumenta, komesa iha ona ema hirak ne’ebé atu dizigna atu bele ba tu’ur iha Komisaun selesaun rekrutamentu ninian, husi PR, PN, Governu halo nia papél oinsá atu halo reforsa sira iha Jestaun balun.
Liu-liu iha ekipamentu Rekursu ne’ebé bele nato’on nune’e, Komisaun Installadór hirak ne’e, halo servisu ho di’ak. Maibé, halo parseira ho Instituisaun hanesan imi hatene, presiza estabelese Working Group ida. Nune’e, sira bele halo servisu aprezenta ba Governu, PN no PR rasik.
Instansia
PR se’i ba halo Inspesaun ba Tribunál Judisial Primeira Instansia (TJPI), atu hare’e la’i ida uluk ne’e, iha Colmera, atu hare’e mai buat ruma hare’e ba oin. Tanba, fatin ida ne’e, Tribunál la útiliza ona.
Neste momentu Governu administra-1,”ita se’i hare’e ko’alia ho TR, PR, Governu atu bele hare’e serake ida ne’e, bele futuru instalasaun TSJ ou iha ‘Nilai’ Istóriku ita tenke prezerva,”konfesa nia.
Avansu
Antes ne’e, PR-Horta hakarak rona, MJ ninia avansu balun ne’ebé halo ona, saida mak atu halo tempu sira tu’ir mai 2026 iha programa Governu nian iha 2026 ba oin.
Maibé, situasaun balun atu fó hanoin, Governu halo hela servisu hatu’ur Lei Administrativu Justisa (LAJ), Orden nune’e, servisu hanesan EDD iha desizaun Polítiku tenke la’o tu’ir transmita hirak ne’ebé iha.
Hanesan MJ mai aprezenta ba PR, aumezmu imi hatene, MJ tenke aprezenta ba Konsellu Ministru (KM), servisu balun. Maibé, la menus buat ruma atu hato’o ba PR hanesan primeiru omen Estadu ne’e, ninian atu hare’e konaba Revolusaun, dinámika servisu hirak ne’e.(lx)
