DiliPost.com- Iha grupu-2 ne’ebe tuda malun iha area Kampu Alor besik Mesjid nia oin negosiante ‘Gerobak’ hirak ne’ebe hafahu ruin ‘Kerja Banting’ liu husi sasan ne’ebe sira fa’an iha Estrada ninin hodi sustenta sira ninia nesesidade loron-loron ou hasuar netik dapur, maibe ahi tenke mate no sanan bele tara.
Maibe, ho hahalok ou lala’ok ne’ebe la iha neon ba ema seluk, ho sira nia gostu halo asaun ne’ebe rezulta ema seluk sai vitima. Satan ‘Gerobak’ no taxi balun ninia vidru rahun. Ida ne’e, bele hateten grupu-2 ne’ebe halo asaun tuda malun la iha konsiensia moral no domin ba ema seluk. Satan akontesimentu ne’e, mosu iha Mequita ‘Mesjid’ Kampu Alor nia oin.
Grupu
‘Gerobak’ hetan estragu no taxi ida vidru rahun. Ho ida ne’e, Komandu Munisipiu Díli (KMD), Komandante Polísia Nasional Timor-Leste (PNTL), Superintendente Xefi Polisia, Orlando Gomes konfesa, akontesimentu horikalan madrugada Otl. Iha Kampu Alor besik Mesjid nia oin iha grupu juven parte-2 tuda malun iha fatin ne’ebá.
Identifika
Tuda malun ne’e,”rezulta ita nia negosiante sira ninia ‘Gerobak’ fa’an etu kinur ‘Nasi Kuning’ ba ne’e, 5 hetan estragu ho karreta Taxi ida iha kotuk vidru rahun, ita nia Eskuadra no Task Force sira tu’un kedas ba iha fatin akontesimentu neutraliza kedas situasaun, suspeitu sira ita identifikadu ona ita tu’un sira se’es an tiha.Maibé, ita identifika hotu ona hein de’it ita halo operasaun ba kaptura sira,”KMD katak, ba Jornalista iha Caicoli, Tersa-feira (30/09) ne’e.
Intelejensia
Daudaun vitima sira hato’o ona sira nia keixa ba Autoridade Seguransa (AS), elabora nia prosesu tanba suspeitu sira mos identifika ona. KMD liu husi,”ita nia Intelejensia analiza hela situasaun iha terrenu sese mak envolve, husi grupu ne’ebé analiza hela situasaun ida ne’e, atu ita traxa ita nia planu halo operasaun tama Bairru-Bairrusira atu bele kontrolla iha Orden Publiku (OP), la bele perturba, ita haka’as an atu halo patrullamentu la’o ain ho karreta halo vizilansia bebeik atu halo prevensaun”Superintendente Xefi Polisia-Orlando konklui. (ercia)
