DiliPos.com-Prezidente-Asosiasaun Majistradu Judisial (P-AMJ), Antoninho Gonçalves hateten, kazu vitima Zizelma Maria Fatima Gonsalves daudaun ne’e, viral iha Media Sosial (MedSos), PAMJ la hakfodak ho ida ne’e, tanba babain Juiz no Prokurador hetan kritika.
“Ba ha’u bele uza termu Julgamentu babain ne’e, AMJ rasik akompañia Juiz sira enjulgadu, halo Julgamentu iha uma. Iha servisu fatin no iha akompañia entaun hotu-hotu halo Julgamentu ba Juiz sira.
Halo Julga ba Juiz sira dehan Juiz sira hala’o Julgamentu la hatene no la hatene Julga, la hatene Lei. Maibé, ida ne’e, Julgamentu ho lia fu’an de’it,”dehan Prezidente-AMJ, Antoninho Goncalves ba Dili Post, iha Kaicoli, Segunda-feira (08/04) ne’e.
Uma
Antoninho dehan, agora ema Julga la’os de’it iha Uma, iha servisu fatin ou iha Estrada laran Julgamentu ne’e, tama ona Edifisiu Tribunal nian, ema idak-idak ho nia liman rasik.
Ba,”ha’u la hakfodak tanba akompañia situasaun hirak ne’e, ema barak iha li’ur, Juiz sira iha li’ur no identidade sira,”ami enkontru bebeik iha seminariu sira dehan loron-1 imi mos se’i sofre hanesan ami, realidade foin daudaun akontese dunik iha Tribunal Primeira Instansia Dili (TJPID),”dehan Antoninho.
Nia relatan, tu’ir loloos Juiz sala halo keixa ba Superior, hodi submete ba Konsellu Superior Majistratura (KSM), entrega kazu ne’e, ba Superior Juiz sira nian mak Superior halo investigasaun atu bele foti prosesu dixiplinar ba Juiz ne’ebe dehan simu osan iha li’ur ou iha kotuk la’os halo Justisia iha li’ur.
Enkamina
Nia dehan, Ministeiru Publiku (MP), mos halo sala enkamina ba Prokurador Jeral depois konvoka hodi halo enkontru hodi foti asaun dixiplinar ba nia kuandu nia sala no nia la sala la foti asaun ruma ba nia.
Kazu vitima Zizelma Maria Fatima Goncalves nian ne’e,”ita hotu-hotu sa’i ba Media, ba Konferensi Inprensa (KI), no interferensia direta no ema hotu ko’alia Juiz sira,”Antoninho hakotu.
Rekorda katak, Mate-Bian (MB), Zizelma Maria Fatima Verdial Goncalves soke husi arguidu MSC ho motorizada Beat iha area Delta Funan Buras iha loron Sesta-feira (13/03), hale’u tuku 08 kalan fulan kotuk.(octa)
