DiliPost.com-Eskola Sekundaria Jeral (ESJ), 4 de Setembru UNAMET durante Exama I-Trimestre loron-2 ba kotuk la’o ho di’ak no vizilante di’ak husi Profissor/a sira durante prosesu Ezame nia laran.
Konaba fasilitasaun ne’ebe Estudante sira tu’ir Ezame la’o di’ak no la iha Estudante-1 mak halerik ba kadeira no meza. Maibe, hotu-hotu tu’ur iha ninia kadeira no meza ho livre ba iha ezame nia laran,”hateten Diretur ESJ UNAMET-Dili, Sergio Alfredo da Cruz ba online Dili Post, iha kna’ar fatin, Kuarta-feira (09/04).
Defikuldade ne’ebe refere hasoru tinan-tinan inundasaun halo turma balun abandona Estudante sira la bele tu’ir aprendizajen tanba kondisaun la permite. Bainhira inundasaun turma balun ho medida 45×8×2, iha turma-2 abandona entaun, ita bele dehan Estudante 4.00 la uza turma-2 no sira ba hala’o aprendizajen iha aula seluk no iha Biblioteka laran no bainhira inundasaun be’e nalihun iha turma laran bele dehan be’e nalihun to’o 1 litru.
Realiza
Sergio dehan, hanesan Diretur Eskola prosesu Ezame ne’ebe realiza loron-2 ba kotuk la’o ho di’ak no kontroladu i la iha problema konaba oinsa Estudante sira atu tu’ir Ezame. Maski, osan konsensoins seida’uk tu’un mai Eskola maibe, Eskola nia Jestaun bele rezolve problema hirak ne’e, sein problema.
Profissor/a sira mos kompre sira nia oras vizilansia ba Estudante durante loron-2 ba kotuk. Adjuntu sira mos hala’o sira ninia observasaun kada turma hare’e Profissor sira hala’o sira ninia dever ho dixipliña tebes. Total Estudante 2.300 ital, fahe ba turnu-2, turnu-1 Eskola dader no ida seluk lorokraik.
Problema
Maski, Estudante sira iha problema maibe, antes sira enkarigadu ona ba Edukasaun no inan-aman mai to’o Eskola mai aprezenta sira nia oan ninia problema no Eskola alista hela. Estudante hirak ne’ebé problema ho Saude no sira iha fali diretu atu tu’ir ezame.
Total Profissor/a-75, Profissor Kontratadu (PK), la iha tanba serkular antes hatu’un husi Ministeriu Edukasaun (ME), la iha Profissor-1 mak Kontratadu no la iha Eskola-1 mak asina kontratu ho Profissor sira.
Inundasaun
Defikuldade ne’ebe hasoru hanesan tinan-tinan inundasaun halo Eskola turma balun abandona Estudante sira la bele tu’ir prosesu aprendizajen tanba kondisaun la permiti.
Husu ba Governu rezolve totalmentu atu tinan-tinan,”ita la bele halerik ba situasaun hanesan tanba problema ne’ebe Eskola hasoru kada tinan iha inundasaun,”konklui Sergio.(ercia)
