DiliPost.com-Relasiona ho publikasaun iha Media Plata-Forma Facebook katak, Kay-Olo oras ne’e, daudaun sai hanesan Asesor prinsipal iha Ministeriu Obras Pùblikas (MOP), maibe iha Tersa-feira (26/09), MOP Samuel Marsal iha ninia klarifikasaun, Kay-Olo ba iha MOP hanesan estuda ou hanesan Funsionariu bain-bain.
“Kay-Olo mai hanesan Funsionariu bain-bain no MOP mos seidauk halo kontratu. Nia mai hanesan Funsionariu bain-bain mai aprende seidauk hetan kontratu ba nia,” dehan Ministru Obras Publika Samuel ba Jornalista iha kna’ar fatin Kaikoli.
Ministru ne’e mos afirma tan Kay-Olo hanesan Timor-Oan no nia mai atu aprende, la bele ou iha Lei ruma bandu atu nia la bele Aprende. Kai-Olo mos nu’udar Timor-Oan, nia mai atu aprende la bele ka, ka iha Lei ruma bandu la bele aprende, se mak hateten nia Asesor prinsipal.
Marsal klarifika liu tan, se mak hateten Kay-Olo hetan kontratu, imi ba rona fali ID falsu sira ne’e, atu halo saida,”ha’u rona ema ida ko’alia buat ne’ebe loos no hakarak ko’alia ta’u ID ho loloos atu ema ‘Tanggapi’ ba fali sira ne’e, haruka ba Governu falsu sira mak responde.(do)
