DiliPost.com-Sekretáriu Estadu Formasaun Profisionál no Empregu (SEFOPE), iha Munisípiu Baucau fasilita provizóriu Kartaun Evidénsia (KE), ho ‘Surat Tahan’ mutin ou HVS ‘Bertindak’ ba sidadaun, liu-liu juven sira atu kompleta dokumentus komprovativu sira seluk hodi asesu Sentru Fórmasaun, kampu servisu no seluk tán, tanba la iha Blanku Orijinál.
Diretur SEFOPE Baucau Roumaldo António de Sousa hateten, tinan 2008-2010 iha KE original. Tanba, Governu liu husi SEFOPE kontratu Internasionál Labour Organization (ILO), hodi prodúz Blanku Orijinál (BO), maibe kontratu remata durante tinan 2, tinan 2011-2023 la iha ona BO-KE.
Tanba ne’e, SEFOPE provizóriu uza ‘surat tahan mutin’ ou NVS nu’udar KE hodi fasilita, liu-liu juventude sira bele uza hamutuk ho dokumentus importante sira seluk halo Rejistrasaun ba Fórmasaun, Programa liga ba Autó-Empregu, Mobile Training no uza ba servisu rai laran no rai li’ur.
BO la iha tinan barak ona,”ita nia kliente sira uza KE provizóriu HVS balun dodok, fase lakon, ita halo atendimentu nafatin. Maibé, prefere ba sira tenke halo deklarasaun husi Suku hafoin lori mai ita halo fali KE provizóriu ba sira,”informa Roumaldo ba Dili Post, Segunda-feira (25/09), iha kna’ar fatin Vila-Nova Baucau. Roumaldo esplika, makina print KE ba SEFOPE kada Munisípiu XIII Governu Konstitusionál sosa ona.
La Iha Solusaun
Maibe, seidauk bele utiliza, tanba tu’ir informasaun, BO la’os prodúz iha TL, maibe iha rai li’ur. Responsavél SEFOPE Baucau ne’e, preukupa probelema la iha KE-BO, dokumentus nesesáriu liu-liu juventude sira, tanba ne’e, kada tinan sempre aprezenta ba Diresaun Nasionál (DN), maibe to’o agora seidauk iha solusaun atu prodúz BO.
“Ha’u rona informasaun BO, ‘Cetak’ iha rai li’ur, entaun presiza tempu no ta’u orsamentu boot, ami hein nafatin husi ami nia DN no enkontru mos ami hato’o nafatin atu aselera liu-liu atendimentu KE,”tenik Roumaldo.
Sira barak mai husu,”ita hotu preukupa tanba ne’e, tinan-tinan ita ta’u nafatin ninia orsamentu la Aprova. Tan saida sira Nasional bele haka’as an no depende nafatin Orsamentu ba KE-BO nian,”hateten Roumaldo.
Dokumentus ne’ebé sidadaun sira presiza atu hetan KE iha hanesan Diploma Eskola, Sertifikadu Fórmasaun, Kartaun Eleitorál ou Bilete Identidade (BI). Enkuantu, tinan 2023 komesa fulan Janeiru to’o terseiru semana fulan Setembru SEFOPE Baucau fasilita ona KE provizóriu ba sidadaun hamutuk 3.00 resin. Defikuldade seluk SEFOPE Munisípiu Baucau enfrenta menus fasilidade Mobiliáriu hanesan armariu atu rai dokumentus arkivu no fasilidade adminitrasaun nian hanesan komputador ba Funsionáriu sira hala’o servisu.
Tanba, komputadór hetan tulun husi ILO nia tempu, maibe uza ba tempu naruk balun avaria ou a’at ona.
“Ita iha ne’e, komputadór mós falla tanba hetan apoiu husi ILO, uza tinan barak ona, iha Administrasaun Finansa Funsionáriu nain 3, komputador 2, maibé 1 a’at, mediador komputador 2, maibe 1 a’at, ba iha Empregu Fórmasaun iha 2.
Tanba ne’e, ita presiza tulun nafatin no tinan-tinan ita ta’u osan nafatin iha Kapitál menor, maibe hasa’i nafatin,”tenik Roumaldo. Totál Funsionáriu iha SEFOPE Baucau hamutuk 11 kompostu permanente na’in 3, Ajente na’in 4, kazuais na’in 4.(nt)
