DiliPost.com-Postu Saúde (PS) Caisidu, Suku Tirilolo, Postu Administrativu Baucau-Vila, Munisípiu Baucau, durante ne’e enfrenta Stock Out ba ai-moruk hanesan Amoxilin, Closa, Sikilin no ai-moruk seluk inklui fatin ba pasiente sira atu hetan atendimentu.
Responsavel PS Caisidu Armando Goncalves katak, kuaze fulan barak sira enfrenta defikuldade Mediakmemtus konaba Stock Out ai-moruk Antibiotiku atu halo tratamentu ba pasiente sira.
Nia hatutan, uainhira pasiente ho kondisaun moras ne’ebé presiza liu ai-moruk Antibiotiku, obrigadu Profisionál Saúde sira fó fali ai-moruk seluk hanesan Cotrix atu antisipa pasiente sira nia moras, tanba ai-moruk Antibiotiku Stock Out la iha PS refere.
Problema hanesan ne’e, bele hateten ho aik-nanoik Indonesia nian ne’ebe hateten ‘Lain Sakit, Lain Diobati,’signifika pasiente sofre moras iha kabun, maibe tan de’it ai-moruk Antibiotiku Stock Out hela, entaun Profisional Saude (PS), fo fali ai-moruk ulun moras nian, bainhira loos pasiente bele rekoopera husi moras.
“Ami nia Medikamentus agora defisil liu atu atende moras tanba ami nia Medikamentus la iha liu nia Stock Uut konaba Antibiotiku susar uitoan to’o agora la iha. Konaba Paracetamol dala ruma ami husu menus sira fó de’it musan 100-200. To’o mai fó ba ema loron 2-3 hotu ona, ai-moruk kuaze fulan 2-3 defisil, dezan-araska tenke iha. Maibé, hanesan Antibiotiku susar uitoan,”hateten Armando ba Jornalista iha kna’ar fatin, Tersa-feira (26/09).
Defikuldade Fatin
Armando hatutan, PS Caisidu enfrenta defikuldade fatin ba atendimentu pasiente, tanba kuartu tratamentu ba pasiente minimu.
Uainhira iha kazu Emerjensia ruma sira uza fali sala partus no observasaun atu atende.
Parte seluk PS refere durante ne’e, rejistu a’as moras Infesaun Respiratoriu Agudu (ISPA), Diareia, Moras Kulit, Asma, Tensaun afeita ba pasiente idade adultu inklui labarik ki’ik.
Problema la’os ba Mediakmemtus de’it,”maibé ami nia fatin atu atende ema susar uitoan ba ami. Tanba, asidente ruma mai hanesan kanek ruma atu suku mos fatin klo’ot. Ami tenke uza fali fatin partus hodi suku.
Se la’e uza fatin dezkansa hanesan observasaun ida ne’e, mak ami uza, konsulta fatin ho ai-moruk nia fatin mos ami ta’u hamutuk de’it, tu’ir loloos ai-moruk fatin ketak no konsulta fatin ketak. Maibé, ami nia fatin mak defikulta liu tanba klo’ot tebes,”tenik Armando.
Bee La Iha Moras Kulit
Responde ba kestaun hanesan, tu’ir Enfermeiru Benjamin Correia, kazu moras ISPA, Moras Kulit barak iha PS Caisidu tanba impaktu husi iklima.
Moras ne’ebé iha barak liu ISPA no Kulit, tanba be’e la iha, halo Moras Kulit barak, Agora ISPA tanba rai rahun barak defikulta moras hirak ne’e akontese.
Ho defikukdade hirak ne’e, husu Ministeriu Saude (MS), atu ta’u atensaun ba PS Caisidu, tanba estabelesimentu PS ne’e, hala’o atendimentu ba komunidade husi Aldeia 4 hanesan Aldeia Parlamentu, Caisidu, Lia-Lai-Lesu no Ossoua.
Totál Profisionál Saúde ne’ebé daudaun ne’e, ativu servisu iha PS Caisidu kompostu husi Mediku nain 1, Parteira nain 1, Enfermeiru nain 1, Saúde Públiku nain 1, Voluntariu nain 1 inklui kliner nain 1.(cl)
