DILI Post News, 10 Dezembro 2025 – Jogador Selesaun Nasional Timor-Leste, Gali Freitas, hasoru Pirmeiro Ministru Kay Rala Xanana Gusmão durante vizita ofisiál ba Jogjakarta. Enkontru ne’e hala’o ho ambiente simples maibé ninia signifikadu bo’ot ba atleta.
Iha okaziaun ne’e, PM Xanana Gusmão hatán sentidu motivasaun forte ba Gali Freitas, liu-hosi karta ida ne’ebé próprio hakerek ba atleta joven-ne’e. Iha karta-ne’e, PM Xanana hateten.
“Kontinua esforsu joga ho di’ak, hodi foti Timor nia naran. Hakuak bo’ot — Xanana, 9 Dezembru 2025.”
Iha Karta ne’e motivasaun ida ne’e hetan aprésiasaun bo’ot ba Gali Freitas, ne’ebé promete kontinua hikas disiplina, treinu, no dedikásaun ba bandeira Timor-Leste.
Enkontru ne’e hatudu relasaun forte ba atleta Gali Freitas ne’ebé kontinua fó esperansa ba Timor-Leste iha mundu desportu.
Profile badak husi Gali Freitas.
Jogadór Timor-Leste, Paulo Domingos Gali da Costa Freitas, ne’ebé konhesidu nudar Gali Freitas, continua hatudu prestasaun iha Liga 1 Indonézia, depois de nia transferénsia ba Persebaya Surabaya.
Gali, ne’ebé moris iha Dili iha tinan 2004, atuálmente konsideradu nu’udar ida husi jogadór foun ne’ebé potensial bo’ot liu iha futeból timorense. Nia velocidade no abilidade drible halo nia sai ameasa ba defenza klube rival sira.
Antes de hela iha Indonézia, Gali joga ba klube doméstiku sira hanesan SLB Laulara, Lalenok United, Assalam FC, no Karketu Dili. Iha 2023 nia sai jogadór profesional iha rai estranjeiru, hahu ho PSIS Semarang, no iha 2025 nia kontinua nia kariéra profesionaál ho Persebaya.
Treinador sira iha Indonézia kontinua fó komplementu ba nia, hateten katak performance Gali ajuda fó impaktu bo’ot ba ekipa no bele sai lider iha liña ofensivu.
Iha parte Seleksaun Nacional Timor-Leste, Gali mos kontínua kontribui iha kompetisaun internasionál, hodi reprezenta bandeira nasaun ho dignidade.
Timorenses barak iha sira-nia rede sosiál exprime orgulho ba jogadór foun ne’e, hodi fiar katak nia sei kontinua mak halo narativu foun ba futeból Timor-Leste.
Jornalita : Azacsi Quintão
