DILI Post News, 28 de Novembro 2025 – Aleixo Cobra re-eleitu hanesan Prezidente Asosiasaun Futeból Dili Leste (AFDL) ba mandatu fóun ba periode 2025-2029, no nia promete atu kontinua hamentu no dezenvolve futeból iha área Dili Leste.
Prezidente eleitu asosiasaun futebol dili leste, Aleixo Cobra, kompromete iha mandatu tinan haat, sei realiza programa tolu hodi dezenvolve futeból dili Leste.
“Iha ami nia mandatu tinan haat ba oin, ita sei realiza programa prioridade hanesan, kontinua tasa sub-15 no sub-23 no progarama ida mak liga estudante iha munisipiu dili,” hateten nia ba jornalista sira, iha salaun luz clarita, bairo do grilos, kinta (27/11/2025).
Nia informa, objetivu husi programa liga estudante ne’e atu bele hamosu talentu futebolista iha iha dili liu-liu ba selesaun nasionál Timor-Leste.
Aleixo Cobra, subliña Asosiasaun kontinua mantein hodi fo apoiu finanseiru no ekipamentu ba klubu sira.
“Ita mos sei kontinua fo apoiu finanseiru no mos ekipamentus ba klubu sira, atu sira bele uza ba halo preparasaun ba jogador sira, maibe problema ba ita mak kampu la iha,entaun ita kontinua buka meius oinsa bele rezolve problema sira ne’e,” Nia dehan.
Iha fatin hanesan Prezidente Federasaun Futeból Timor-Leste, Nilton Telmo Gusmão, hatete, ida ne’e hanesan komfiansa ida, ne’ebe durante ne’e kontribui ba futeból.
“Komfiansa ida ne’e mai ho nia signifikasaun, ida ne’ebe bazeia ba istoria pasadu ne’ebe kontribui makas ba dezenvolvimentu futeból iha Timor-Leste,” Nilton hatete.
Lideransa FFTL ne’e mos, husu eleitu atu kontinua hamoris atividade futeból, atu nune’e ba futuru bele kontribui jogador ba selesaun nasionál.
Iha kongresu refere mai ho pakote uniku Mak hanesa, Aleixo da Silva Gama “Cobra” asume hanesan Prezidente, Luis Casimiro Lopes, asume hanesan Vise prezidente, no membru exekutivu na’in tolu kompostu husi, Sansão Gomes, José Janeiro do Reis no Jojo Neves Oliveira.
Enkuantu membru Asosiasaun futebol dili Leste kompostu husi, Leste United, Dili Leste fc, Maranatha fc, Hiber dili fc, Fc Vila atauro, Portu Taibesi, Fc Falor, Santa Cruz fc, Skasa united, Coracão fc,Femininu, Arbitrazem no treinadór.
Jornalita : Azacsi Quintao
