BAUKAU(DiliPost.Com)-Actual Xefi Suku Triloka Postu Administrativu Baukau Vila sei Re-Kandidatu A’an ba Xefi suku Triloka Rasik, Tanba Tuir Nia katak Iha komunidade Barak mak sei Fo Konfiansa ba Nia hodi Lidera Suku ne’e.
Tuir aktuál Xefi suku Triloka Alexandre da Costa Deklara Hakarak Re-Kandidatu a’an ba Eleisaun Xefe suku Iha fulan Outubru oin mai,tanba hakarak Kontinua Asuntu Sosial, Asuntu Dezenvolvimentu suku laran, tau Matan ba Ema Deifisiente no mo Defende Uma Naroman ba Povu.
“Ema barak makak Kontinua Apoiu hau, Tanba ne’e hau Hakarak Re-Kandidatu hau nia an no eleitu mak sei tau propriedade ba setor Infrastructura no Dezenvolvimentu Ne’ebe Mak sei falta iha Suku laran, inklui tau propriedade ba asuntu Sosial, hanesan UKL, tau matan ba Ema ho Deifisiente Ida nee Mak Hau eleitu sei hatoo ba Governu Atu halo, liu-liu oinsa defende Uma naroman ba povu mesmu iha orsamentu ratifikativu la iha osan ba UNP,”Atuál xefi suku Triloka hatoo deklarasaun ba Jornalista sira remata partisipa Reuniaun Extraordinario iha salaun apuramentu Segunda-feira(04/09/23).
Atual Xefi Suku Triloka ne’e Imforma, iha suku Triloka to’o agora Seidauk iha Sidadaun balun tantu Feto no Mane hatoo sira nia Kandidatura ba Eleisaun Xefe Suku ne’ebé mai,tanba tuir manual Politika katak iha loron 13 fulan ne’e mak Xefe suku hotu foin simu manual husi CNE no formatu husi STAE foin priense hodi entrega ba CNE.
“Ita ko’alia hanesan ne’e iha hau nia suku neba iha isu rona dehan ema barak atu Kandidatu an ba Xefi Suku maibe ofisialmente dehan ema ruma kandidata an ofisialmente hatoo iha suku seidauk iha.” Alexandre esplika.
Nia akresenta maske seidauk iha manual no formatu maibe hanesan Xefe suku iha semana hirak ba kotuk kuandu Mai Reuniaun ho Ministru administrasaun estatal fila ba realiza kedas enkontru estraordinariu ho konsellu do suku tomak pasa informasaun ba sidadaun suku Triloka tomak nune’e bele kandidata an ba suku tantu feto no Mane wainhira priense kritériu.
Presidente Autóridade Munisípiu Baukau Olivio Freitas hatete, fo ona informasaun verbal ba administradór postu administrativu neen no Xefe suku sira kontinua pasa informasaun nune’e sidadaun sira, feto Mane iha suku laran priense kriteria bele kandidat an atu kompete iha eleisaun suku ne’ebé tuir planu sei akontese iha loron 28 Fulan Outubru tinan ne’e.
“kona ba eleisaun Xefi do suku nian lei fó dalan ba sidadaun se deit atu feto ka mane naran katak tuir kriteria eleisaun suku nian katak nia sidadaun suku nee nian,hela duni iha suku refere no kriteria seluk tan priense bele kandidata an atu ema hili nia no nia hili ema seluk” hakotu Olivio.(NITO)
