OEKUSI (DiliPost.com)- Antonio Ulan Elu hanesan Lisensiatura husi Instituto Superior Filosofia no Teologia (ISFIT), Deside sei Kandidatu a’an ba Xefe Suku Bobometo, Rejiaun Administrativu Espesial Oekusi Ambeno (RAEOA) hodi Kontribui ba Dezenvolvimentu iha Nivel Baze.
Kandidatu Xefe Suku Bobometo ne’e, Mai ho vizaun Ida katak “Sei Sai Matan ,Tilun ,Ibun, Liman Ain Povu nian” no wainhira Eleito ba Xefi Suku see Servi Nia Komunidade no Kontribui ba Dezenvolvimentu hodi Hadia Povu Nia Moris.
Husi parte ne’ebe Inspira Kandidatu Antonio Elan Ulu Hakarak Atu kandidata a’an ba Xefe Suku , tanba bazeia ba Observação iha Suku Refere, Processo Desenvolvimento Infraestrutura Suku Bobometo laiha Mudansa, no hanesan Foin sa’e hakarak aprende konseptu lideransa husi Baze, inklui valoriza Fraternidade amizade iha Suku Rasik.
“ Inspiração Principalmente Hetan Inspiração Profundo Liu Husi Observação iha Suku Refere, Processo Desenvolvimento Infraestrutura Suku Bobometo durante Ka Pereudo Desenvolvimento Suku Monu hader katak, Estrada no Be’e Mós.! To’o Ohin Loron lai iha Mudança, Hirak ne’e Hotu Mak Sai Sasin Mai Ha’u tempo to’o On Nu’udar Foin Sa’e Prontu Apreende Konseitu Liderança Hahu husi Baze, Ne’e Mak inspiração Foun hodi Valoriza Fraternidade no Amizade iha Suku Bobometo durante Mandato 2023-2030.“Espressa Kandidatu ne’e Ba Dilipost.com Via WhatsAp.
Kandidatu ne’e Promete Katak Wainhira Komunidade fo Konfiansa Iha Elisaun ne’e ,mak Nia sei Trasa Programa ne’ebe Prioridade hodi Implementa iha Suku Bobometo Rasik Hanesan:
1. Habelar Ukun ne’e ba Povo katak Husi Povu Fila ba Povu
2. Serbisu Hamutuk ho Povu hodi Luta ba Povu nia Moris Liu-liu Hodi Corresponde ba Necessidade Básico Povo Nian.
3. Promove Foin Sa’e Sira nebe iha Talento Hodi Hadia ita nia Suco Bobometo.
4. Haburas Cultura Diálogo nian iha Suco Bobometo.
5. Servi Povo ho Fuan iha Suco Bobometo no Fatin-Fatin hodi Haburas Infraestrutura Baze.
Tuir Kandidatu ne’e Katak, Durante Observação ba Xefe Suku Hirak Liu ba, Geralmente Saída Mak Sira halo Mak Hanesan konsege Hari’i Sede Suku Bobometo no Tara bandu ba Florestal Sira e Comite Massacre Bobo Ufe Tumin konsege Família Vítima Organiza Malu halo Kontribuisaun no Kolaboração ho Xefe Suku Halo hela Morru Haleu Mártires Sira nia Rate e Terceiro Idade Ferik Kátuas 25% Mak Simu Sira nia Direito, no Saída Mak Sira lá halo hanesan Be’e Mós Estrada no Ponte.
Nia fundamenta hanesan Estudante Universidade Kandidatura Xefe Suku Bobometo, Se Bainhira Povo Fo Konfiansa Tomak Karik Manan Iha Festa Demokrasia Suku nian nune’e nia Parte sei hola Desijaun no foti risku hodi hamutuk ho komunidade atu halo mudansa ba Sosiedade haburas infra-estrutura ba sosiedade no tane a’as Fraternidade iha Suku rasik no hakotu komflitu iha suku refere.
Nia Dehan hau Rasik Hola Desijaun no Foti Risku Hodi Proteje Prosesu tomak Atan Oan hau Mak nee Prontu Servi, Sai Liman Ain, Povu Nian hodi Halo Mudança ba Sosiedade Liu-liu Hodi Valoriza Programa Serbisu nebe Lori lá Too Rohan nebe Hakarak Hatutan Processo Desenvolvimento Suku Refere Buras Liu iha Futuro.
“Hein hela ita Hotu nia Prezensa hodi Haburas Infraestrutura Baze Mak Roman ba Sociedade no Vida Melhor, ida nee Mak Hakarak Hili Desijaun ida ne’e Laos hau nia Hakarak Maibe Husi Labarik Sira too Intelectuais no Ferik Kátuas Husi Suku Bobometo Mak Hotu nia Hakarak Entaun nee ita nia Desijaun ida ho hanoin ida, Fiar ida, Família ida hodi Lori Suku Bobometo nia Esparansa ba Futuro.” Haktuir Nia.
Antonio Informa Nee Mak ita Hotu Hakarak Tempu to’o Ona Tur Hamutuk Néon ida laran ida Halakon Rasista ou Kores Oioin hodi Haburas Fraternidade no Amizade iha Suku Refere nee Mak ita Hotu nia Desijaun hodi Hakotu Konflito Interna.
Iha Suku Bobometo Kompostu Husi Aldeia (9), hanesan Taktabua ,Hetaloetan, Tafani Monek , Aliás Zero Inimigo e Amig, Nekaf Mese ,Ansaof Mese ,Hetafen Pah Bitimo Nesnis.
Enkuntu Kandidatura Xefe suku ne’e mai ho Nivel EDukasaun Non-Fomal iha mos Expresnsia Servisu ho Komunidade sira.
EDUKASAUN FORMAL
Tinan 2001 – 2006: Eskola Primária Bobomanat Tumin
Tinan 2007 – 2010: Eskola Pre-Sekundária, Publika Oe-silo.
Tinan 2011-2013: Eskola Sekundária, Jeral Palaban.
Tinan 2019-2023: Universidade, Instituto Superior de Filosofia e de Teologia (ISFIT).
EDUKASAUN NONFORMAL
Tinan 2014: Abilidade Sertifikadu Lian Ingles, durasaun fulan 3 iha ETBA.
Tinan 2014: Abilidade Sertifikadu Komputador, durasaun fulan 3 iha ETBA.
Tinan 2019: Kursu Lian Portugues, nivel A1/A2, durasaun fulan 3 iha
Fundasaun Oriente.2020, Kursu Lideransa, Sistema Demokrasia no Personalidade, durasaun fulan 3 iha Sede Central PD Colmera, Dili.
EXPERIENSIA SERBISU
2015: Sensus Uma Kain no Populasaun Timor-Leste, Serbisu hanesan GPS iha RAEOA.
2015: Asosiasaun Lalenok Atoni Lifau, Serbisu hanesan Formador
ba Formasaun Lideransa Suku.
Kandidatura Xefe Suku Bobometo ne’e Espressa Tempu to’o Ona Hamosu Paragdima Foun atu Halo Mudança Roman ba Sociedade, Sai Liderança Suku Refere Servi ho Fuan Domin no Matenek Simu buat Hotu iha Sosiedade.(Doni)
