DiliPost.Com- Tuir Kalendario Ne’ebé Governu Aprova katak iha Loron 12 Fulan Novembru ,Hanesan Loron Nasional ba Povu Timor Leste, hodi Komemora kada Tinan Ba Eventu Loron Nasional Joventude Ne’ebé Koinesido Loron Masakre Santa Crus 12-11-1991).
Maibe iha Tinan 2023 ,Komemorasaun Ba Akontesemento Masakre Santa Crus ka Loron Nasional Joventude, Maioria Joven no Estudantes Husi Eskola Publiku no Privadu sira La partispa Maxímu iha Komemorasaun Loron importante ida ne’e.
Tan ne’e iha Komemorasaun Loron Aniversario Masakre Santa Crus ba Dala 32 ne’e, Vice Primeiro Ministru Mariano Assanami Sabino, Konsidera Ministra Edukasaun (ME), La Iha hanoin ruma hodi Organiza Estudantes sira hodi Partispa iha Eventu nasional ne’e, maibe Haruka fali Eskola fo Feriado Estudantes sira hodi Deskansa fali iha Uma.
“Ba Futuru Eventu sira hanesan ne’e, Ministériu Edukasaun Presiza Organiza Estudantes superior Sira ,Laos Loron 12 Novembru Estudantes sira Feriado fali iha Uma.”Dehan Vice Primeiro Ministru Mariano Assanami Sabino iha nia Deskursu ba Komemorasaun Aniversario Masakre Santa Crus ba Dala 32 ne’ebé Hala’o iha Santa Crus Díli Domingo ne’e (12/11).
Assanami Konsidera Lolos ho Loron Nasional 12 ida ne’e Estudantes Sira tenki Partispa ,Hodi Reza Misa,no Halo Reflesaun ba Eroi sira ne’ebé mate ba Luta Libertasaun Nasional ba Rai ida ne’e.
“Ita koalia bebeik kona ba Formasaun Karakter ,maibe ita la fo Importansia ba Loron ne’ebe Importansia.” Afirma Mariano Assanami.
Vice Primeiro Ministru ne’e Hatete Ho Loron Bo’ot hanesan 20 de maio,20 Agostu no 28 Novembru, Dalabarak Estudantes sira Feriado fali iha Uma no Joven sira mós lao ba Pasiar fali ,no la Tau Importansia tanba sa mak loron Ne’e Importante.
Tanba ne’e Mak Vice Primeiro Ministru no Ministro Kordenador Asuntu Sosias ne’ebe tau ba Joventude,edukasaun no Ensino Superior sira ,sei Orienta Hahu husi Loron ne’e ba oin ,Estudantes no Joventude sira tenki Partispa maxímu, no laos ba Feriado iha Uma no Ba Fali Pasiar.
“Estudantes no Joventude sira lolos tenki partisipa hodi hatene Timor Leste ne’e lao To’o iha ne’ebé?,Tanba ne’e mak ita Selebra hodi Halo Reflesaun ba Restu mortais 12 Novembru ne’ebe ita seidauk Halibur hotu.” Dehan Vice PM.
Loron Nasional 12 Novembru ka Loron Akontesemento Masakre Santa Crus, Nudar Momentu Importante ba Povu Timor Leste hodi hanoin Hikas Komtribuisaun Joventude loriki Aswa’in sira ne’ebé iha tinan 32 liu ba ,Fo sira a’an tomak hodi Luta hasoru Tropas Indonesia sira ,tan deit Defende Soberania Republika Demokratika De Timor Leste (RDTL), to’o balun Lakon Vida, balun Hetan Torturasaun,balun Mate Rate Laiha no Isin Soe Nakdedar, Tanba Deit TimorLeste hakarak Hamrik mesak hanesan Estadu Direitu Demokratiku ida iha Mundu Nia Matan.(Javel)
