DÍLIPost.Com-Primeiru Ministru (PM), Kay Rala Xanana Gusmão konsidera problema entre joventude sira ikus-ikus ne’e iha fatin fatin halo Sosiedade sira moris la hakmatek.
Tan ne’e xefi Governu dasia afirma sei deside atu taka hikas atividade grupu artemarsiais no arte ritual sira iha Timor Leste.
PM Xanana Hato’o Posisaun ne’e relasiona ho problema ne’ebe akontese entre joven sira iha suku Lourba no Suku Karabau Munisipiu Bobonaru ,foin lalais ne’e.
Tuir PM katak nia parte la simu ona hahalok sira oho malu, baku malu ,estraga malu no sunu uma, tan ne’e mak iha kuarta feira Semana oin, Governu liu husi reuniaun konselu ministru sei deskute ba asuntu ne’e.
“Avizu ba sira katak hau la simu ona hahalok sira oho malu, baku malu ,estraga malu no sunu uma, tanba ne’e mak iha Kuarta Konselu Ministru hau sei koalia para taka Tiha Buat ne’e,” afirma PM Xanana hafoin hasoru malu ho Komandante jeral PNTL Kaikoli Sabadu (4/11) ne’e.
Nia dehan se husik nafatin artemarsiais,mak sei estraga Sosiedade nune’e iha Kuarta Feira Konsellu Ministru sei deside hodi taka,nune’e nafatin husu ba Polisia atu kaer ema sira ne’ebé halo Problema.
PM Xanana Sei Bolu Lider GAM-GAR
Xefi Governu ne’e apelu mos katak sei bolu urjente lider artemarsiais no arte ritual sira ne’ebé ejiste iha Timor Leste, atu bele esplika doutrina artemarsiais lolos ba membru sira mak Saida.?
Tanba Tuir PM Xanana Gusmão katak artemarsiais ka arte ne’e laos hanorin atu estraga malu.
“Hau avizu kedas ba xefi do grupu artemarsiais hotu-hotu ,prepara hau sei Bolu sira hotu ,atu husu los ba sira ,hanorin arte saida mak ,estraga fali labarik sira sa Arte Saida mak hanesan ne’e,”lamenta PM Xanana.
Ne’e duni, nia apelu xefi ka Prezidente no se diet husi artemarsiais hotu -hotu atu hasoru malu. Nune’e bainhira halo Problema ba kaer sira ba hatama kadeia.
Xefi Governu ne’e dehan, atividade grupu artemarsiais no arte ritual sira, uluk taka ona. Maibe, iha Governasaun anterior deside loke fali, no halo lei apoiu tan orsamentu ba grupu artemarsiais no arte ritual sira, mais, joven sira kontinua estraga malu.
“Uluk taka tiha Governu foin dadaun ne’e mak loke fali, hau ba deskute iha orsamentu ne’eba hare ba Hare mai ,osan bo’ot ba sira, mais la halo buat ida ,ba fali estraga ema no ema nia uma sira,”Xanana Kompara.
Ho komfrontus ne’ebe akontese iha Suku Karabau no Suku Lourba postu Administrativu Bobonaru Munisípiu Bobonaru ne’e, PM Xanana Orienta ona Komandu jeral atu halo intervensaun imediata ba hahalok brutalismu ne’ebe akontese iha Bobonaru no iha fatin Seluk.
Reportajém: Javelino Da Silva
