Dílipost.com, Loron 25 Juñu 2025 – Tenente Jenerál Reformadu Lere Anan Timur lakon konfiansa ba Ministeriu Saude (MS) lidera husi Ministra Elia dos Reis Amaral ne’ebe mak “budu”pedidu tratamentu saude eis Prezidente Repúblika (PR) Francisco Guteres “Lú-Olo ”iha Malazia to’o ikus hakotu vida.
Gerilleiru ne’e informa, pedidu husi saudozu Lú-Olo hato’o ba Ministeriu Saude iha fulan Abril 2026, maibé budu iha Gaveta laran, to’o ikus saudozu mate. kazu akontese bebeik ba veteranus sira barak mak mate bainhira halo tratamentu saúde iha Malázia.
Nune’e, Jenerál Reformado Lere konsidera Ministra Saúde hamutuk ho vice nain rua la hatudu prestasaun di’ak la tau prioridade ba Veteranus sira, to’o ikus balu tenke mate.
“ Tanba la’os kazu ida ne’e de’it, maibé kazu barak-barak, exemplu ha’u nia irmaun Sabika nia ferik-oan mate, Saudozu Francisco Guterres nia hatama surat iha iha fulan Abríl husik iha gaveta laran to’o nia mate de’it, depois ikus mai ita justifika ho Loron Nasionais ka Loron feriadu. Mais ha’u, hanoin ida ne’e la’ós akontese de’it ba ha’u nia kompaneiru no ha’u nia irmaun Lú-Olo, akontese dala-barak ona”, Lere lamenta iha rezidensia maktoban Eis-Prezidente Repúblika Lú-Olo Falor.
Nune’e nia subliña, veteranus sira hahú lakon konfiansa inklui nia rasik, nune’e nia sujere bainhira moras konsumo aimoruk tradisional.
Nia hatutan veteranus la depende ona ba Ministériu Saúde, Veteranus ida-idak la’o ba halo tratamentu ba nia saúde, tanba lakon ona konfiansa ba setór saúde iha Timor-Leste.
“ Hanesan ha’u banhira ha’u atu ba ne’ebé ha’u la sateia ona Governu, ha’u ba de’it mais sira hakarak fó ami simu ho liman rua. Mais sira la fó ami la depende ona ba sira ,” nia dehan.
Jenerál Reformado Lere mós argumenta, ba oin nia lakoi halo tratamentu saude iha Malázia, tanba nota failansu barak ne’ebé halakon vida veteranus sira nian.
“ Ha’u iha ha’u nia lisan no ha’u fiar ha’u nia lulik, ne’ebé hau saúde di’ak hela, hau agora la hemu ai-moruk ida, se ha’u ba Malázia maka sira fó aimoruk sira fó ai-moruk ha’u soe hotu ha’u la hemu ai-moruk, hemu ai-moruk mo’s hanesan de’it, atu kura saida,” hakotu nia.
Jornalista : Ercia Freitas
