DiliPost.com –Debate Orsamentu Jeral do Estadu (OJE) tinan 2025 ne’ebe aloka ba Gabineti Primeiru Ministru (GPM) ho montante U$3.884.402 pasa iha faze espesialidade.
Aprovasaun ne’e liu husi deputadu/a sira iha uma fukun Parlamentu Nasional, Kuarta feira (13/11) ohin. Ho votu afavor 42, kontra 9 no abstensaun 12
“Ho nune’e orsamentu ba Primeiru Ministru pasa iha espesialidade,” hateten Prezidente Parlamentu Nasional (PPN), Maria Fernanda Lay iha ambitu debate OJE 2025, iha faze espesialidade, iha PN, Kuarta-Feirs (13/11).
Aleinde ne’e iha diskusaun orsamentu ba PM ba finansiál 2025, Bankada FRETILIN ho Bankada Partidu Libertasaun Popular (PLP) aprezenta proposta hamutuk haat (4) ne’ebé husu atu halo redusaun ba orsamentu husi PM nian. Maibé, proposta hirak ne’e la pasa tanba
bankada Governu vota proposta ne’e.
Entretantu tuir proposta OJE 2025,orsamentu ne’ebé aloka ba PM hamutuk US$ 3.884.402, husi orsamentu ne’e aloka salariu vensimentu US$ 1.137.348, Bens Servisu US$ 2.387.054, transferensia publika laiha , kapital menor $US$ 360.00, kapital dezenvolvimentu laiha.
Jornalista : Júlia Lurdes do Rêgo
