DILI Post-Negosiantes Roupa Obralan (OB), iha Merkadu Manleu La hetan Rendimentu tanba Menus Kompradores.
Negosiante Obralan Manleu Antonieta Amaral, Haktuir Maske Kada Loron Sidadaun sira tama Sai Merkadu, maibe Kompradores Sira Menus hodi,Difikulta Tebes ba sira Hetan Rendimento Oituan hodi Sustenta Ekonomia Familiar.
Antonieta Amaral Hatete,Maske Roupa Obralan hirak Ne’e Sira Sosa ho Osan bo’ot, maibe Fa’an fila fali ho Folin ne’ebe baratu Maibe Nafatin La hetan Rendimento hanesan Tempo Uluk.
” Kuaze Fulan rua ona menus Kompradores maske loron loron ema tama sai iha merkadu laran, kompradores sira tama sai de’it maibe la sosa ropa.” Negosiante Obralan ne’e Haktuir Situasaun Ne’ebe sira hasoru ba Dilipost.com iha Merkadu Manleu Segunda ne’e (7/10).
Nia Kompara Rendimento Agora Menus tanba Negosiantes Obralan ne’ebe Antes Fa’an iha Aimutin, Autoridade Munisípiu Díli, Muda hotu ona ba Merkadu Manleu, nune’e Halo Sira susar Tebes Atu Hetan Rendimento hanesan Babain.
“hafoin resolusaun Governu muda obralan ai-mutin ba hotu iha merkadu manleu hodi butuk hamutuk iha ne’eba ,entaun Ami nia Obralan ladun Folin ona .” Katak nia.
Iha Parte Seluk Negosiante Modo Joana da Costa,Durante ne’e sira Menus Hetan Rendimento tanba Negosiantes Dalan sira iha Kampu Baru, Aimutin Hamate sira negosiante, Nune’e halo Kompradores sira labele Ba Merkadu Manleu.
“Ami lamenta tebes tanba modo faan iha merkadu manleu lafolin mos no dadaun ne’e negosia ki’ik sira iha dalan ninin sira ne’e mak hamate ami, tan nune’e mak kuase merkadu larame ona hansan tinan kotuk liu ba.”Nia Haktuir .
Enkuantu Antes Governu Liu Husi Sekretariu Estadu Asunto Toponomia Orbanizasaun Urbana (SEATOU),no Guarda Munisípiu Dili Hasai Ona Avizu ba Negosiante Dalan ninin ,atu labele Okupa Espasu Publiku hodi Fa’an Sasan,no tenki Muda hotu ba Merkadu ne’ebe Governu Prepara ona,maibe Realidade Negosiante Barak kontinua Fa’an sira nia Produtu iha Fatin ka Espasu Publiku sira hanesan Kampu Baru, Merkado Komoro ,Aimutin, no Elemloi.
Reportajén:Estajiária/Aurel
