DiliPost.com-Ministériu Públiku (MP), hatu’un ona delegasaun ‘mandadu’ bá Komisaun Anti Korrupsuan (KAK), hodi investiga lista Veteranu 2009 iha Munisípiu Covalima. Komisáriu-KAK, Rui Pareira hateten, nafatin fó tempu bá KAK hodi hala’o servisu ba Verifikkasuan lista Veteranu hirak ne’e, nian.
Lista Veteranu K-KAK hatu’un despaixu bá iha Suai tanba delegasaun ne’e, mai ona husi MP. Veteranu sira husi koordenador, responsavel iha iha Suai nian, sira nia naran iha hotu ona prosesu hirak ne’e, iha hotu MP delega mai KAK hala’o servisu,”K-KAK-Rui hateten, bá Jornalista hafoin remata enkontru iha UNKAK iha Salaun Ministeriu Negosiu Estranjeiru no Kooperasaun (MNEK), Tersa-feira (18/03).
Provas
Rui hatutan, aban bain rua provas sufisiente testamuiña sira mai deklara A, B, C, D dokumentu komprova tu’ir mai ne’e, nia preinxe rekejitu atu konsidera hanesan arguidu tenke konstitui hanesan arguidu.
Konabá lista hira agora prosesu, se’i iha segredu nia laran, husik KAK hala’o ona iha terenu. “Ha’u hanoin la bele fó hatene la’i tanba, se’I iha faze segredu Justisa, maibé KAK hala’o ona nia servisu iha terenu,”Rui dehan.
Dezloka
Antes ne’e, K-KAK-Rui hateten, nia hatu’un ona despaixu hodi orienta membru investigadór KAK atu dezloka bá Munisípiu Covalima investiga kazu falsifikasaun dokumentu Veteranu komete husi FDS.Prosesu la’o hela. Agora, Polísia sira la’o uluk ona depois,”ami se’i la’o tu’ir. Ami ta’u iha planu ona. Parese fulan-1 ne’e, ou fulan oin ekipa se’i bá ne’ebá. Tanba, despaixu K-KAK iha tiha ona.Ami halo tiha ona diskusaun. Hein de’it atu bá,”K-KAK-Rui katak, ba Jornalista hafoin serimónia aniversária KAK ba da-15 hala’o iha Edifísiu KAK, Faról-Dili.
Liga
Nia dehan, maski Polísia Nasionál Timor-Leste (PNTL), halo ona nia servisu ba kazu ne’e, iha Covalima maybe, KAK nafatin halo investigasaun liga ba karik ema ne’e, hetan buat ruma ou benefísiu ruma hanesan suborn. KAK atu bá hare’e ida ne’e. Falsifikasaun dokumenu ba Veteranu ne’e, Krimi.
Maibé, kuandu Krimi seluk hanesan bá bosok ema ne’e, Krimi komún. Ne’e, Polísia nia servisu. Tan ne’e, ami husu ba Polísia sira hala’o servisu la’i. Ami hein koordena de’it daduz ne’ebé sira hetan nune’e, ami bele kontinua,”Rui dehan.
KAK mós se’i investiga sasin hirak ne’ebé sa’i vítima hamutuk na’in-10 resin ba kazu ne’e.
Notifika
“Ita se’i halo prosesu iha ne’ebá no hirak neʼebé ita presiza hanesan assume responsabilidade ita Notifika tenke mai Dili,”nia afirma.
Rui esklarese, durante nia mandatu hanesan K-KAK, sei servisu ho imparsialidade. K-KAK mai tu’ur iha ne’e, nu’udár Komisáriu ba Instituisaun ida ne’e. Instuisaun Estadu nian.
Kór
La servisu ba kór A ou kór B no C. Tanba,”ita bo’ot sira hare’e ona Lei foun nú.1/2024 ne’e, se Komisáriu la kumpre ba Lei inan no Lei oan hirak ne’e, Parlamentu Nasionál (PN), bele impechement ou demite Komisáriu. Ita se’i halo prosesu iha ne’ebá no hirak neʼebé ita presiza hanesan assume responsabilidade ita Notifika tenke mai Dili,”Rui afirma.
Aleinde ne’e, durante nia mandatu hanesan K-KAK, se’i servisu ho imparsialidade. Komisáriu mai tu’ur iha ne’e, nu’udár Komisáriu ba Instituisaun ida ne’e. Instuisaun Estadu nian.
Gaveta
Hanesan Komisáriu, ema nia keixa mai mós la bele ta’u iha gaveta okos. Keixa mai, despaixu tu’un ba unidade neʼebé iha kompeténsia atu prosesa. La arkivadu. La iha podér arkivamentu. Prosesu hotu-hotu mai iha ne’e, ita prosesa, ita lori bá leten,”nia konklui.
Rekorda fali iha loron (19/02/2025), PNTL liu husi Departamentu Investigasaun Nasionál (DIKN). Dezloka bá Munisípiu Covalima hodi ezekuta mandadu Judisiáriu husi Tribunál ho NUC:0037/25/PNSIC, hodi halo apreensaun buzka domisiliária ba suspeitu FDS nia rezidénsia iha Covalima.
Iha apreensaun buzka domisiliária ba suspeitu FDS nia rezidénsia, iha Suai, DIKN konsege halo apreensaun ba suspeitu nia Patrimóniu hanesan karreta, Tais-Mane hamutuk tahan-28, Tais-Feto-14, osan-mean, konta Bankária BNCTL-34 no osan ho montante $ 70.00.(octa)
