DiliPost.com-Prezidente Repúblika (PR), José Ramos Horta husu Bankada-5 iha Parlamentu Nasionál (PN), atu rona ideia Estudante Universitáriu Timor-Leste (EUTL), no Sosiédade Sivil (SS), konaba halakon Lei Pensaun Mensal Vitalisia (LPMV). PR-Horta subliña, LPMV tenke halakon dunik hanoin ne’e, tenke halakon dunik, hotu-hotu konkorda.
Depois hare’e buat seluk ne’ebé tenke hare’e dunik oportunidade di’ak ba XI Governu Konstituisional ba Maun Bo’ot Xanana (MBX), nia Líder Nasionál, nune’e ema ho matenek, fu’an halo desizaun di’ak, ekilibra tiha buat balun,”ita hare’e buat ne’ebé la loos,”hateten PR-Horta bainhira partisipa iha abertura serimónia Nasionál ‘Salvaguarda Patrimóniu Audiovisual liu husi Teknolojia Modernu iha AMRT, Kinta-feira ne’e.
Buat balun bele hateten tinan 20 pelu menus balun foin tama tinan 4-5 ne’e, in-justu loos, tanba hateten, dala hira ona, tinan hirak nia laran kuitadu Mestri oan ida ne’ebé hanorin oan sira tinan 70 idade tiha ona fó kondekorasaun ba sira iha Palásiu Prezidensiál.
Partidu
Assuntu ne’e, kle’ur ona ko’alia, Governu hotu-hotu konkorda, Partidu sira hotu-hotu konkorda atu halo Revizaun ba LPMV ne’e. Deputadu balun tinan hira ona iha Parlamentu Nasionál (PN), dezde 2001 Konsellu Nasionál (KN), uluk UNTAET nia tempu, depois mai iha Assembleia Konstituinte (AK), nia tempu tinan ida nia laran depois mai.
La iha LPMV, maibé elementu Deputadu/a ida, tinan 4-5 iha ona LPMV ne’e, la bele, tenke hare’e. Maibé, tenke hare’e diretu arkeridu, Lei hateten diretu arkeridu ne’e, dunik hotu-hotu konkorda atu hare’e fila-fali no lalais.
La bele de’it hateten hare’e, depois la hare’e tenke iha prazu atu haree nune’e, halo buat ne’ebé,”ita hare’e la justu. Tenke hala’o ho dialógu ho juven, Estudante ou SS ezije tu’ur ho Bankada sira ko’alia, tenke rona sira, fó ideia. Esplika tenke hala’o. “Ha’u konkorda la iha Partidu ruma hateten, la bele, la’e tenke mantein,”konfesa nia.
Normal
Nia akresenta, regalia ne’ebé Deputadu/a sira hetan normál ou bo’ot liu. “Ita tenke hare’e, balun ha’u hanoin ezajeradu bainhira ita bo’ot sira husu, ha’u konkorda sosa karreta ou la’e, ha’u lakohi mete buat hotu-hotu,”realsa PR-Horta.
Deputadu/a ida hakarak sosa karreta, PR mós tenke komenta, se bele ou la’e, sira hakarak sosa bisikleta,”ha’u mós tenke hateten, bele ou la’e,”nia reforsa. Maibé, PN iha sira nia kompetensia, PR la bele loron-loron hateten.
Viajen
Tanba,”ha’u mós la gosta bainhira sira kestióna fali ha’u nia viajen, ha’u la halo viajen tanba ha’u gosta pasiár, ha’u buka razaun ruma atu la ba. Ha’u hetan dezkulpa ida nune’e, lalika ba ha’u kontente loos dala ruma ha’u dudu MBX nia ba,”realsa PR-Horta.
Resposta
Ezemplu, Nasaun Unida (UN), sira hein atu resposta konkretu ba ou la ba, do’ok tebes. “Ha’u hateten, Deputadu/a sira di’ak liu hare’e ba sira nia bikan, sanan, dapur lalika mai hare’e fila-fali PR nia servisu.
Ema hotu-hotu iha Mundu ne’e, hakfodak. Ha’u hanoin Deputadu/a balun justu, tanba sira ba foho, ita ezije Deputadu/a sira ba foho depois sira la iha transporte, purtantu tenke hare’e. Transporte bele propriedade PN nian,”konklui PR-Horta.(lx)
