Dilipost.com- Operasaun scam call center iha área City 8 Suku Manleuana, Dili ne’ebe halao husi autoridade Siguransa Polísia Sientífiku Investigasaun Kriminal, Sesta feira (17/07) kalan.
Iha buska ba fatin refere Primeiru-Ministru (PM) Kay Rala Xanana Gusmão, tun direta ba terrenu hodi observa operasaun ne’ebé hala’o hosi Polísia Sientífiku Investigasaun Kriminal (PCIC) halo aprensaun bá sidadaun Xineza na’in 24 ne’ebé diskonfia involve iha atividade scam call center.
Operasaun ne’e hala’o nu’udár parte hosi esforsu autoridade sira atu kombate krime transnasionál no atividade ilegál sira ne’ebé bele ameasa seguransa no estabilidade Timor-Leste.
Durante observasaun ne’e, PM Xanana akompaña servisu autoridade sira no hare prosesu investigasaun no aprensaun ne’ebé PCIC hala’o iha fatin.
Autoridade sira atualiza katak investigasaun sei kontinua atu apura faktu sira no hatene klaru liu tan kona-bá involvimentu ema sira ne’ebé kaer ona iha kazu ne’e.
PM Xanana akopaña hosi diretór nasionál PCIC, Vicente Fernandes e Brito, diretór SNI no ekipa Investigasaun PNTL.(moezes)
