DiliPost.com – Atu kuidadu riku soin tasi nian Unidade Patrollamento Maritima (UPM) halo partroliamentu iha tasi mane Postu administrativu Tutuala
Munisípu Lautém, hodi asegura Ró peska ilegais ne’ebé tama iha parte Tutuala foin lalais ne’e.
“Bainhira ami simu informasaun ne’e Komandu Unidade Polísia Maritima mai kedas ho nia planu Navegasaun para oinsa atu bele orienta efetivu Unidade Polísia Maritima nian ho ita nia rekursu ne’ebé iha, ami halo kedas prevensaun no halo Patrollamentu kedas iha area refere,”haktuir Komandante UPM Superintendente Xefe, Eugenio Pereira ba Jornalista iha Akademia CFP komoro Dili, Sesta feira ne’e.
Nia hatutan hafoin simu informasaun husi Autoridade Tutuala relasiona ho imagen balun Ró peska ilegais ne’ebe tama parte tasi mane tan ne’e UPM deskola kedas ba fatin refere. Maibé rapidamente Membru UPM nomos membru Polísia Nasionál Timor-Leste konjunta ho Autoridade parte peska nomos guarda floresta to’o kedas iha fatin hodi asegura Ró ne’ebe deskofia peska ilegal.
“Ho aktividade Ró Peska illegal tama mai iha ita nia teritoriu do mar ne’e liliu ita nia tasi mane iha area Tutuala-Walu Sere nian, depois ami simu informasaun Komandante kompañia Carles Polísia Maritima nian hamutuk ho nia membru sira apoiu mos komandu Munisípiu Lautém nian rapidamente ba kedas iha Tutuala Walu sere hodi halo kedas opservasaun nomos ho ita nia Autoridade parte peska no mos guarda floresta hodi asegura kedas Ró ilegál ne’e,”tenikEugenio.
Nia dehan tan, durante loron rua liu ba UPMhalo Patrollamentu iha area ne’ebe mak indikasaun hodi peska ilegál nune’e mos membru UPM ne’ebé destaka iha tasi mane ne’e kestaun tekniku.
Makse nune’e, UPM kontinua halo Patrollamentu iha area ne’ebe peskas ilegal tenta tama bebeik iha tasi mane hodi halo Vizilansia.
“Ami kontinua update Ró ne’e komesa muda an ses ona husi tasi mane ho ita nia membru sira tama fali ba sira sai husi ita nia tasi ona.Maibe, ita nafatin Vizilansia UPM kontinua mantein nia prezensa iha ne’eba ami iha ekipa Rua ho nia planu ne’ebé mak planea ona hodi atua situasaun iha momentu ne’ebé provas hatudu ninia aktividade ilegáis.”afirma komandante UPM ne’e.
Ta ne’e, nia kompromete
UPM sei halo vizilansia ba teritoriu Timor hodi kontrola ba peska illegal ho ekipamentus ne’ebe naton hodi bele halo servisu iha terrenu liuliu auto defeza wainhira peskador ilegál sira uza forsa hosoru UPM.(belem)
