BAUCAU (DiliPost.com)-Kazu Asaltu Malu hodi Ta’a Vítima Canizio Carçeres Boavida iha Area Lulihene Suku Bucoli Postu Administrativu Baucau Villa Sabadu Kalan semana kotuk suspeitu sira entrega ona A’an ba Komando Polisia Nasional Timor-leste Munisipiu Baukau.
Komandante PNTL Munisípiu Baucau superintendente xefe Antoninho Mauluta haktuir, kronologia Akontesementu,katak Vítima Hamutuk ho maun alin nain hitu ba Tula tomate iha toos, Nune’e Wainhira atu fila Liu husi iha area Kompanha Jova nian, mak Derepente suspeitu sira mai ho arma brankas Rejulta Vítima Canizio Carseres hetan kanek grave iha tilun hun parte karuk no Rentos.
Mauluta afirma,ho situasaun ne’e parte komandu PNTL orienta kedas polisia eskuadra Baucau Villa ba fatin lokál krime no hetan apoiu husi forsa rezerva hoid halo intervensaun Rapidu hodi atuasaun no prevene vítima ne’ebé kondisaun grave no kontinua evakua ba Hospital Rejionál Eduardo Ximenes Baucau.
Nune’e mos parte komandu PNTL halo kordenasaun no kontinua orienta hodi buka informasaun detallu sobre akontesimentu kazu refere,nune’e wainhira iha domingu dader liu husi kontaktu OPS katak suspeitu naran inisiál N,A,N no NZ entrega an hodi lori kedas mai Komandu PNTL hodi kontinua ba prosesu investigasaun.
“Kona ba problema ne’ebé akontese iha sabadu kalan iha Bucoli tuir deklarasaun ne’ebé sira investigasaun fó sira deklara katak momentu ne’eba sira nain hira ne’e hamutuk sira ho maun alin sira iha nain 7 sira ba tula tomate iha toos depois sira atu fila ba uma sira liu husi dalan kiik to’o iha Senor Emprezariu Kompanha Jova nia uma oin mak derpente sira hare’e ema nain hira ne’e halai mai ho kedan besi kanu ho samurai,”
“Depois vitima agora hetan kanek grave ne’e nia rasik hateten ba nia kolega sira katak dehan imi halai,agora depois sira halai fahe malu sira lahatene depois to’o ikus mak sira rona no hatene katak sira nia maluk naran Ameu ne’e hetan kanek grave,depois ita rona imformasaun ita orienta kedan ita nia polisia eskuadra Baucau villa sira ba fatin akontesimentu no mos apoiu husi forsa rezerva intervensaun Rapida halo atuasaun no lori vítima mai HoREX Baucau.”Dehan Atuál Komandante PNTL Munisípiu Baucau (24/10/23).
Komandante ne’e hatutan,kazu refere parte komandu Polisia Nasional Timor-leste Munisipiu Baucau liu husi seksaun investigasaun Rejistu ona iha Ministeriu Publiku (MP) no hein prosesu kontinuasaun husi Ministeriu Publiku.
“Hafoin suspeitu sira entrega an kontniua kedas ba prosesu investigasaun no oras ne’e dadauk kazu ne’e rejista ona iha MP,agora Ita hein tan prosesu seluk no mos ita hein tan husi ita nia Ministeriu Publiku (MP)” Tenik Mauluta.
To’o imformasaun ne’e Publika,Jornalista Média jornal Dili Post Tenta ba halo konfirmasaun kondisaun Saude vítima Canizio Carçeres iha HoREX Baucau maibé médiku sira iha sala emerjensia la fó komentariu tanba vítima halo tiha observasaun Molok transfere ba HNGV Dili.(CL)
