BAUCAU(DiliPost.Com)-Probelema akontese loron (22/09), purvolta tuku 11:30, kalan Otl. Iha area Macadai, Suku Triloka, Postu Administrativu Baucau-Vila, Munisipiu Baucau, rezulta ema nain haat (4), vítima no parte Polisia Nasional Timor-Leste (PNTL), hala’o identifikasaun sidadaun nain hitu (7), nu’udar suspeitu.
Segundu Komandante PNTL Munisípiu Baucau, Superintendente Asistente José Casmero de Carvalho Perreira haktuir, koronolojia problema akontese, bainhira vítima DSF tula nia tian no husik hela iha nia uma atu fila ba nia rezidénsia iha Estrada Públiku area Macadai, juven na’in 2 halo asaun baku vítima DSF.
Maibe, vitima konsege ho motor hala’i hodi informa ba Xefi Aldeia Macadai. Nune’e, Xefi Aldeia Macadai tu’un mai Macadai hodi halo konfirmsaun ba juven sira iha area refere. Maibe, juven sira kontinua halo asaun foun hodi hasoru Xefi Aldeia ho inisial FJ to’o kanek iha parte kotuk inklui sunu nia motor to’o mutuk.
“Kazu Triloka iha loron 23 atu ba 24 Setembru, akontese kazu ofensas ida iha Aldeia Macadai, Suku Triloka nia kronojia vitima DSF tula hela nia tian atu ba uma no atu fila ba nia rezidensia mak iha Estrada Publiku Makadai juven nain 2 para nia motor.Maibe, vitima la hatene buat ida halo asaun hasoru vitima baku. Maibe, nia mesak, entaun esforsu ho motor hala’I no informa ba Xefi Aldeia tu’un mai ‘Lokasi’ akontese sira baku lazadu ou vitima.Atu halo konfirmasaun, maibe ‘Justru’ sira halo fali asaun foun hasoru Xefi Aldeia FJ rasta tu’un ba be’e dalan no hasa’i gazolina aqua boot ida depois sira sunu nia motor.” Haktu’ir Segundu Komandante PNTL Baucau ba Jornalista iha kna’ar fatin Vila Nova, Segunda-feira (25/09).
Segundu Komandante PNTL Baucau informa, problema ne’e, iha loron Sabadu (24/09), PNTL Baucau Servisu Investigasaun Kriminál (SIK), to’o kedas iha Lokál Krimi halo identifikasaun ema na’in 7 ho naran inisiál RRC, ARF, CDCS, FV, JBC, ZDC, N mak suspeitu.
Parte SIK finaliza ona prosesu investigasaun normal PNTL nian, tempu badak rejistu iha Ministériu Públiku (MP), hodi hala’o prosesu kotinuasaun ba suspeitu sira.
“Ligadu ho kazu ne’e,”ita nia Polisia parte SIK halo kedas servisu iha Sabadu ne’e, identifikadu suspeitu na’in 7, tanba orientasaun husi MP, ita halo prosesu normál identifikasaun hein Orden mai husi MP,”esplika José.
Nia hatutan, husi probelma ne’e, ema na’in 4 vitma, tanba hetan baku hanesan DSF, DBS, ES, maibe la kanek, enkuantu Xefi Aldeia inisial FJ kanek iha parte ulun no grave iha parte kotuk. Tanba, baku maka’as nune’e, halo tratamentu iha Hospital Rejionál Eduardo Ximenes (HoREX).
Maibe, la konsege, tanba ne’e, transfere ona ba Hospitál Nasionál Guido Valadres (HNGV), hodi kontinua hetan tratamentu intensivu.
Iha akotesimentu ne’e, vitima ou lezadu iha ema na’in 4, prosesu kompletu ona iha tempu badak (ohin, se la’e aban red), rejistu iha MP,”konklui Segundu Komandante PNTL Baucau.
Tu’ir informasaun ne’ebe rekolla iha Komandu PNTL Baucau, evidensia Motor ida (Bebek red), sunu mutuk asegura ona iha PNTL Eskuadra Postu Administrativu Baucau-Vila.(Nito)
