WATULARI (DÍLI Post)- Ministeriu saúde (MS),Liu Husi Programa Promosaun Saúde, Hala’o Advokasia no Sosializasaun Ba Lideransa Lokal sira iha Postu Administrativu Watulari Munisípiu Vikeke, oinsa atu hala’o Prevensaun ba Moras la Hadaet sira hanesan ,Tuberkulose (TBC),Malnutrisaun, Dengue, no Prevensaun ba Asidente sira.
Ofisial Saude Ba Programa Moras La hadaet João Francisco Sequeira Esplika Objektivu husi Kampanha Advokasia ba Lideransa Komunitariu sira ,atu bele Hasa’e Koinesimentu Lideransa sira nian,oinsa Populasaun sira atu iha Hanoin komtibrui ba Prevensaun saude ba Familia.
“Objektivu husi Advokasia ne’e mak oinsa atu halo Prevensaun ba Moras la hadaet sira hanesan ,Hipertensaun,Dengue,TBC,no diabetes nomos iha moras balun liga ba inan feton sira kuandu partus ,Malnutrisaun nomos kona ba Asidente trafiku ,tanba ne’e mak ita nia Kampanha Integrado saude ida ne’e hala’o atu bele habelar imformasaun ba Autoridade Postu ,Lideransa Lokal, nune’e sira bele iha Koinesementu hodi fahe tutan Imformasaun ba Komunidade sira. “João Imforma ida ne’e ba Jornalista sira iha sentru saude Watulari Kinta ne’e (30/11).
Tuir nia Katak Dadaun Timor Leste tama ona ba Tempu Udan ,nune’e Moras Dengue mos hahu Mosu Dadauk , entaun ho Kampanha Integrado Saude ne’e,oinsa atu hasae Koinesementu Autoridade Munisipal no Lokal sira ,Hodi sosializa liu tan Ba Komunidade sira ,atu bele Halo Prevensaun ba Moras sira.
Sorin seluk Kordenador Mediku Postu saude Watulari Noe Amaral, Imforma Durante ne’e Sentru Saude Watulari rejistu kazu moras ne’ebe ho Numeru bo’ot mak Moras ispa.
“Moras ne’ebe Durante ne’e Rejista Makas iha sentru saude Watulari mak ispa no Diaria no kona ba Hipertasaun Kuaze iha mós Lubuk ida ne’ebé ita rejista.” Nia Afirma.
Nia haktuir Sentru Saude Watulari Kada Tinan sempre Rejistu Kazu moras Ispa no Número ne’ebe Bo’ot, tan ne’e ho Advokasia ne’ebé Ministériu saude Hala’o ne’e, Garante katak Autoridade Lokal sira sei habekar liu tan imformasaun ba Komunidade sira ,Nune’e bele iha Koinesementu hodi Halo Prevensaun.
Sentru Saude Watulari iha Mediku nain Hitu,emfermeriu 47,partera nain 7,ne’ebe durante ne’e Koloka tuir ba Postu Saude Ne’en iha Postu Administrativu Watulari.
“Ami sente Mediku ne’e mak Susar tebes ba ami Sentru Saude Watulari, tanba Watulari ne’e geografikamente Numeru Komunidade bo’ot, entaun ami presiza tan Mediku hodi bele Reforsa tan Servisu.”Noe Relata.
Noe Amaral Rekomenda ba Governu Liu husi Ministériu saude atu tau Matan ba Preokupasaun Sentru Saude Watulari, ne’ebe menus tebes Mediku ,Hodi bele Asistensia saude ba Komunidade sira.
“Ami rekomenda ba governu karik iha Rendimentu ba Mediku ami Sujere atu Koloka tan Na’in 10 ba Ami.” Dirijentes Saude Watulari ne’e Rekomenda.
Mediku ne’e Haktuir Postu Administrativu Watulari iha Postu Saude hamutuk 12 , to’o agora postu Saude Ne’en mak laiha Mediku hodi fo Asistensia saude ba Komunidade sira.
Postu Saude ne’ebe Mediku laiha mak hanesan Postu Saude suku Makadiki,Waitame, Hasoru,Watulari Antiga Nunumalau,ulusuo no Sana.
“Ita postu Saude sira ne’e iha deit Emfermeriu, entaun ami Mediku nain hitu ne’e orsida Kolabora malu para bele halo atendementu rotativa ba Postu Saude sira. “Nia Haktuir.
Xefi Suku Matahoi Antonio Amaral Kompromete Nudar Autoridade Lokal sei hala’o Kontrola ba Komunidade sira ,oinsa atu Halo Prevensaun ba Moras hirak Komunidade sira Hasoru iha Suku laran.
“Nudar Autoridade ami la servisu mesak maibe ami sei servisu hamutuk oinsa atu bele kontribui ba Prevensaun Moras.” Nia Afirma.
Enkuantu Aktividade Kampanña Integrado Saude ne’e, sei Hala’o iha Postu Administrativu Lima iha Munisípiu Vikeke Vikeke hanesan,Postu Administrativu Lakluta, Vikeke, Watulari, Watukarbau no Ossu.(Javel/Ercia)
