DiliPost.com-Prezidente Repúblika (PR), José Ramos Horta hateten, Hospital Nasional Guido Valadares (HNGV), makina teste moras Rins la sufisiente ou avaria, tan ne’e, pasiente sira haruka ‘Rujuk’ hotu ba Atambua.
Buat-1 simples, tanba iha Ospitál Atambua besik rabat loos Maliana Fronteira ne’e, família iha sorin balun. Timor-Oan barak iha Atambua,”dehan PR-Horta ba Jornalista hafoin remata sa’i orador ba seminariu Polisia Nasional Timor-Leste (PNTL), ba tinan-25 iha Sentru Formasaun Akademia Polísia (SFAP), Comoro, Tersa-feria (11/03/2025).
Intelektual
PR-Horta hatutan, ema sira ko’alia ne’e, dala ruma problema Timor ho,”ita nia intelektual Akadémiku balun, seida’uk hare’e didi’ak razaun saida mak ko’alia ba ida ne’e, halo komentáriu kedas.
Nia dehan, problema liu-liu konaba problema Rins dala ruma iha HNGV falta, mákina la sufisiente, avaria, atu rezolve emdiatu fasil haruka ba Atambua, baratu loos invez haruka ba Jakarta ou ba Singapura.
Situasaun
Ne’e simples,”ita mós halo an iha HNGV dala ruma la sufisiente, entaun situasaun emerjensia haruka Atambua Ambulansia lori ba mak ne’e de’it,”nia informa.
Hanesan Timor iha kualidade ruma iha HNGV salva ona ema balun,”ha’u hatene momentu ne’eba ne’e, ha’u iha Atambua, ha’u hare’e dilema-1, senora ne’e, atu mate daudaun ona, doutor Timor-Oan na’in-4 mak salva nia.
Haruka
Sira hotu-hotu iha ne’eba sira hakerek iha Média Sosiál (MedSos), sira admira doutor sira. Mais dala ruma situasaun ezije, haruka ema ne’e, ba Atambua.
“Ha’u rasik nia staff-1 iha Gabinete Prezidensia Repúblika (GPR), nia hetan moras struck ha’u trata nia haruka ba Kupang. Tanba, momentu ne’e, nia iha hela Atambua, nia ba halo servisu ruma sira trata nia di’ak,”nia haktu’ir.
Purtantu,”ita relasaun di’ak ho Nusa Tenggara Timur (NTT), Indonésia, ita buka kolabora mak ne’e, de’it maibe, balun aproveita kedas nune’e, ko’alia a’at,”hakotu PR-Horta.(ercia)
